(TMZ) – Mientras cantante D4vd ta deteni y luchando pa logra cu su caso di homicidio no bay huicio, a hack su pagina di Apple Music y lansa un cantica falso cu un bos cu ta zona manera esun di e artista, declarando su amor pa e victima Celeste Rivas.
E cantica falsifica, titula “I DID IT” a lansa durante fin di siman, a pesar cu David Anthony Burke – e artista conoci como D4vd – ta keda deteni, sin acceso pa lansa musica su mes. E cantica su arte tambe tin potret aereo di D4vd su Tesla unda a descubri Celeste su curpa aña pasa.
E coro repetidamente ta nombra Celeste, describiendo e como e “mucha muhe cu mi nomber riba su pecho” y bisando cu su holor ta keda riba su paña como “sigaria.” E bos, imitando D4vd su bos, tambe ta canta tocante tende Celeste cada biaha cu e hala rosea, hayando su falta y cu miedo cu e lo stima e so despues cu e muri.
E tempo no por ta uno cu ta causa mas shock mientras Burke ta deteni sin libertad bao fiansa, cu su audiencia preliminar canando na Los Angeles, detayando e evidencia cu fiscalnan a haya contra e cantante.
Dv4d a declara su mes inocente na cargonan di asesinato, abuso sexual continuo di un mucha bao di 14 aña y mutilacion ilegal di ser humano. E audiencia preliminar lo sigui e siman aki.
