(NLTimes) – Cuerpo Policial Hualndes a descubri droga scondi entre frutanan na 4 supermarket na Noord-Holland y Flevoland diasabra mainta.
Tur e frutanan en cuestion a sali for di e mesun centro di distribucion.
Empleadonan di un supermarket na oord-Holland a tuma contacto cu cuerpo policial, bisando cu nan a haya algun pakete straño den e cahanan di fruta, na e momento aki sin sa cu tabata trata di pakinan di droga.
Na momento cu cuerpo policial a presenta y a conduci investigacion, a haya sa cu e pakinan ta contene droga.
Miembronan di cuerpo policial a bishita tur otro supermercado alrededor di e supermercado en cuestion, y tur otronan na cual e mesun centro aki di distribucion a entrega suministro di fruta. Na e bishitanan aki a descubri paketenan similar den un otro supermercado den Noord-Holland y a haya mas paketeden otro dos supermercado na Flevoland.
E autoridadnan a bisa cu a confisca tur e paketenan en cuestion. Sinembargo, cuerpo policial no a specifica e nomber di e supermercadonan, ni tampoco a revela den ki tipo di frutanan a haya e paketenan aki y ni si tin riesgo di contaminacion algun.
