FILE - In this Aug. 3, 2017, file photo, packages pass through a scanner at an Amazon fulfillment center in Baltimore. Amazon said Tuesday, June 23, 2020, that its carbon footprint rose 15% last year, even as it launched initiatives to reduce its harm on the environment. (AP Photo/Patrick Semansky, File)

Amazon a bis diamars cu su footprint di carbon a aumenta 15% aña pasa, hasta mientras a lansa iniciativanan pa reduci su daño na medio ambiente.

E gigante di compras online a bisa cu actividadnan mara na su negoshi a emiti 51.17 miyon ton metrico di dioxido di carbon aña pasa, ekivalente di 13 planta di energia di carbon andando pa un aña. Esey ta un aumento di 2018, tempo cu a reporta un footprint di carbon di 44.4 miyon ton metrico. Amazon a revela su footprint di carbon e prome biaha aña pasa despues cu empleadonan a presiona e compania pa haci mas pa combati cambio climatico.

Gregg Marland, un profesor na e Research Institute for Environment, Energy and Economics na Appalachian State University, a bisa cu su prome reaccion na e footprint di carbon enorme di Amazon tabata ‘wow’. Pero el a bisa cu e compania tabata comprensivo den calcula e cantidad, hasta incluyendo emision di e biahe den auto di e cumpradonan na su tiendanan Whole Foods y e energia usa pa traha e tablet Kindle.

Amazon a bisa cu mientras su footprint di carbon a crece, e cantidad di carbon cu a emiti pa cada dollar cu a gasta na su website a cay 5% entre 2018 y 2019.

E compania basa na Seattle tambe a bisa cu ta na caminda pa 100% di su uso di energia bin di panel solar, turbina di biento y otro energia renobabel pa 2025, cinco aña prome cu a planea. Y ayera, Amazon a anuncia cu lo cuminsa un fondo di $2 biyon pa inverti den companianan cu ta traha producto y tecnologia cu por yuda combati cambio climatico.

Pero e aumento den su footprint di carbon ta mustra con dificil ta pa un compania creciendo lihe manera Amazon reduci su contaminacion. Amazon ta depende riba avion y truck pa transporta biyones di producto rond mundo. Emision di combustibel fossiel a aumenta 18% aña pasa, Amazon a bisa ayera.

Ordennan a aumenta durante pandemia, mientras mas hende cera na cas ta haci compras online. Pa logra cumpli y entrega na tempo, Amazon a bisa e luna aki cu a huur un dozijn mas di avion Boeing 767, aumentando su flota di jet na mas di 80.

E aña aki, CEO y fundador di Amazon, Jeff Bezos a bisa cu e lo gasta $10 biyon di su fortuna personal pa duna fondo na cientifico-, activista- y organisacionnan sin fin di lucro trahando pa mehora medio ambiente.

 

LEAVE A REPLY

Please enter your comment!
Please enter your name here