Abogado Anthony Ruiz a defende MEP den corte contra Gerick Croes

image.jpeg

“Sr. Gerick Croes a cuminsa un caso di rectificacion contra MEP y avance riba daño y perhuicio di 52 mil florin”, abogado Anthony Ruiz a duna di conoce na prensa despues di tratamento di e caso na corte.

MEP ta lamenta cu e  caso aki a tuma luga pasobra no tabata necesario, specialmente lider di MEP a haci tur lo posibel pa tene tur cos paden, pero lamentablemente no a logra.

“E demanda di Gerick Croes ta cu MEP lo a difama Gerick y daña su nomber riba sucesonan, y esey nos a mustra claramente cu no ta e caso y nos por a prueba cu mi cliente no tin arte ni parte den esaki. Y mi mester bisa, cu Gerick no a logra prueba contrario. Te awe ningun hende tabata conoce contenido di e documentonan cu a wordo uza den e caso aki pasobra MEP no a publica nan, pero awe tur documento cu a wordo uza den corte ta bira publico cu e caso aki”. Cual documento esakinan ta e abogado no kier a splica den detaye.

Riba e pregunta cu si e abogado por confirma cu ta trata di un caso di malversacion cu Gerick Croes lo a comete, ya cu esaki a bira publico den Corte awe, e abogado a duna di conoce cu e no ta bay confirma nada, e ta laga esaki pa politiconan y cliente. “Un cos mi por bisa  cu durante tratamento di e caso hues a bisa cu por ta den interes di ambos partido pa nan papia cu otro pa bin un conferencia di prensa of comunicado di prensa cu conhunto por wordo saca pa suavisa e emocionnan entre partidonan, y a duna nos te cu 10 di juni pa yega na esey y si partidonan no yega na otro, dia 17 di juni lo duna sentencia”.

Prensa a puntra abogado Ruiz si den e caso por a prueba algo cu MEP lo a leak informacion interno, y e abogado a bisa: “No, ningun momento, esey ta e penoso den full e caso aki. Pasobra  a wordo bisa cu MEP a uza cierto palabranan of duna comunicado di prensa, pero ningun di e puntonan ey por a wordo comproba awe. P’esey nos ta lamenta cu e caso aki a wordo entama pasobra MEP a tene su mes na su palabra di no bay den publicidad, pero lamentablemente e caso a haya publicidad awe den corte, siendo cu e intencion tabata cu e caso aki lo a keda entre partidonan”. 

Na final a puntra e abogado con su feeling ta con e caso a bay: “Mi tin un bon feeling despues di e caso aki, mi tin confianza cu tur e pruebanan cu mi a trece dilanti y tur nan ponencianan cu nos a desbarata nan y mustra lo contrario cu MEP no tin arte ni parte den esaki”.

 

You May Also Like

Ley trafico cambia: no por text y castigo mas halto pa hit& run

Cu dos amienda di partido AVP a cambia e ley di trafico ayera den ...

Rocky Kelly candela VNO

Situacion lo por bira mas complica pa Rocky Kelly

E ciudadano, Rocky Kelly, ainda ta deteni despues cu el a cende varios taira ...

WEB a inicia renobacion brug di tubo na Spaans Lagoen

WEB Aruba ta duna algun aclaracion riba e situacion di e brug di tubo ...

Gobierno ta reanuda e proyecto Culture and Heritage City San Nicolas

Despues cu Otmar Oduber a sali como minister di Turismo y Cultura for di ...

21mrt, NW, schwengle investigacion.jpg

Minister Alex Schwengle: Algun dokter a reacciona sorprendi di e carta cu nan a haya di investigacion

Desde aña pasa ministerio di Minister di Salubridad, Cuido di Hende Grandi y Deporte ...

A2 15juni pregunta preocupacion.JPG

Segun Minister De Meza: CITGO ningun momento a indica cu no kier trahado local

Hopi persona ta preocupa ainda cu e acuerdo firma pa reapertura di refineria, particularmente ...