(AP) – Abogadonan di Travis Scott a argumenta den corta dialuna cu e mester keda libera den e centenares di demanda a causa di e festival mortal Astroworld cu a tuma luga den 2021, bisando cu e no tabata e persona responsabel pa plan di siguridad y vigila pa cierto peligernan na e evento.
Sinembargo abogadonan di e familiarnan di e 10 persona cu a fayece a bisa cu Scott a ignora e preocupacionnan di seguridad y a menasa di publica online e informacion personal di cualkier persona cu kier cancela e evento a causa di preocupacionnan di seguridad.
Stephen Brody, un abogado di Scott a bisa cu e celebridad te ainda ta “impacta” pa e evento tragico, ora cu autoridadnan y organisadornan di e festival a purba cancela e show y stop e incidente.
E famia di e 10 personanan cu a fayece, ademas di centenares kendenan a keda herida, a demanda Scott y Live Nation, ademas di decenas di otro individuonan y entidadnan.
Durante un audiencia di e concierto dilanti Hues di Districto Kristen Hawkins, Brody a argumenta cu Scott y su compania di produccion XX Global, mester keda saca for di e caso. El a bisa cu su trabao y responsabilidadnan relaciona cu e festival a keda delinea como presenta, marketing, recluta talento pa e evento, provee pa su propio siguridad personal y aproba tur e topiconan creativo cu ta trata e festival.
“Y esey ta tur,” Brody a bisa.
Durante e concierto, Scott, ken su nomber real ta Jacques Bermon Webster II, si a stop e show 4 biaha pa trata e problemanan cu el a mira den e audiencia, incluyendo algun persona cu tabata sinti malo, segun Brody. “E tabatin autoridad pa pausa e show?” Hawkins a puntra Brody. E por a stop di canta y warda pa mira si un problema di preocupacion a keda resolvi segun Brody. El a agrega cu e festival su organisadornan y e polis di Houston tambe tabatin e autoridad pa sende e luznan of corta e zonido si nan tabata pensa cu algo ta malo.
Noah Wexler, abogado pa e famia di Madison Dubiski, a bisa cu Scott su contract ta defini su persona como co-promotor di e festival conhuntamente cu Live Nation y como promotor, e ta responsabel pa e evento su seguridad bao reglanan di Texas.
Wexler a acusa cu Scott den un publicacion di mei 5 den 2021 despues cu entrada pa Astroworld a caba, a instiga su fanaticonan pa forsa nan entrada den e show riba e dia di e concierto, bisando “nos lo hinca esunnan salbahe toch.”
Wexler a comenta cu esaki a crea condicionnan peligroso pa unfestival cu a ser “masivamente sobrebendi” y tabata parti di un “negligencia consciente pa e seguridad.”
El a acusa cu Scott y su manager, David Stromberg, a crea condicionnan di seguridad peligroso pa medio di insisti cu Scott lo ta e unico acto musical cu lo ta riba e escenario principal riba e festival su prome dia, un situacion cu por crea problema den e fluho di e audiencia. Scott y Stromberg tambe a keda acusa di menasa di publica informacion di cualkier organisador di e evento cu cancela esaki a causa di preocupacionnan di seguridad.
