Academia di arte ta importante, pero costoso

ORANJESTAD – Bon Dia Aruba a puntra minister Rudy Lampe (RED) tocante si lo bin den futuro un estudio, sea den area creativo of innovativo, ya cu no tin un pa studiante, anto tur tin cu sigui sea na Hulanda of otro pais na mundo.

Lampe a bisa cu den e parti cu ta ‘kunst academie’, academia di arte ta algo importante pero ‘e ta sumamente costoso’. E la remarca cu den pasado a haci un intento, anto esaki a costa miyones pa establece un academia di arte.

“Precisamente ayera mi tabata den un reunion cu esunnan cu a traha cu Rietveld Academie di antes, cu inmediato nan a stop e cooperacion cu lo mester a bira un academia akinan na Aruba, miyones a bay perdi den e proyecto. Nos tin cu siña di pasado. Mescos, no ta facil pa Aruba cuminsa cu un facultad di medicina, cu ta sumamente costoso”, e mandatario a bisa.

Sinembargo, e mandatario a continua bisa cu e miho forma ta cooperacion, pa es motibo, ayera den reunion di representante di Montreal Stichting hunto cu representante di Ateliers 89, a mira un ‘trabou positivo cu por wordo efectua’.

Un persona cu haya cierto capacidad eynan, por sigui despues cu un estudio na Hulanda of otro parti di mundo. “Nos kier bay enfoca den e parti di enseñanza preparatorio y primario despues den nan actividad di scol traimerdia, y tur locual ta formacion creativo y artistico den nos muchanan.”

E mandatario a finalisa bisa cu abou adulto, proyecto tambe por ser duna pa locual ta trata Ateliers 89. “Nos ta duna apoyo necesario pa stimula e parti importante aki. Pa cada pueblo ta importante pa tin su identidad nacional.”

 

You May Also Like

15reaccion (JO) (3).JPG

Aña electoral ta na caminda anto gobierno no a traha un base

Gobierno a presenta su plan di maneho pa proximo aña den locual a toca ...

Editorial: Nos ta prepara pa un colapso na Venezuela?

E señalnan t’ey caba! Den e dianan aki nos ta tende bastante comentario tocante ...

Caiso y Soca Monarch 2015

Conflicto den gobierno pa cu carnaval; awor buscando solucion

Minister Otmar Oduber a evalua di entrega su retiro pa motibo di un conflicto ...

29mrt, JM, Despa.JPG

Hende muhenan na estado mester ta mas alerta pa Zika

Departamento di Salud Publico recientemente a emiti un alerta nobo pa dokternan di cas ...

Cruz Cora Aruba: E operacion na Sint Maarten lo ta uno largo

Michelle La Haye, director di Cruz Cora Aruba ta splica cu ainda St. Maarten ...