Accion ‘morocoy’ ta stroba proceso electoral na Venezuela

E diputado opositor Jony Rahal a denuncia cu na varios centro di votacion di estado Nueva Esparta funcionarionan di Conseho Nacional Electoral (CNE) a aplica “operacion morocoy” pa retrasa e proceso elecoral den e region aki.

El a detaya cu nan ta paga y bolbe cende e mashinnan cu e pretexto cu nan ta bira cayente. “Nos tur sa cu ta mentira, cu ta un orden di e director regional di CNE,” Rahal a sigura.

“Nan por reset e mashinnan pero no e curason di miles di ciudadano di Nueva Esparta cu kier cambio,” el a agrega.

Mesa di Unidad Democratico (MUD) a exigi pa cera e centronan di votacion cu no tabatin votador den rij, pa 6:00 pm, manera Ley Organico di Proceso Electoral ta establece.

“Nos ta pidi pa cumpli estrictamente cu ley y cu ta keda habri solamente esunnan unda tin hende ta warda,” Gerardo Blyde, hefe di comando di campaña di MUD a bisa durante un rueda di prensa ofreci pa 5:50 or di ayeratardi.

Blyde a pidi pa permiti ciudadano participa den e auditorianan y ora nan ta habri e cahanan den e centronan electoral, ora cu e tempo pa vota vence.

El a denuncia cu nan no por a establece contacto cu ministro di Defensa, Vladimir Padrino López, ni cu e hefe di e Comando Strategico Operacional (Ceofanb), Rogelio Ceballos, manera den ocasionnan anterior.

Blyde a reconoce cu e eleccion a cuminsa lentamente y cu tabatin iregularidad, sin cu esaki a impedi cu e hendenan por a vota.

“Den cierto caso tabatin ciudadano cu no por a vota pasobra nan no a cambia e mashinnan daña, manera a pasa den centronan di Monagas y Guárico, ” el a specifica. Pero cu e no ta kere cu esaki lo cambia resultado electoral.

Un grupo di Chavista riba motorcycle, conoci como ‘colectivos’, a golpea y horta varios persona na un centro di votacion na Colegio El Libertador, di municipio Chacao.

Desde tempran, e colectivonan a pasa na varios centro electoral den estado Miranda pa trata di menasa e votadornan.

Ayera 18.094.065 votador a keda convoca pa vota den  eleccion regional den cual lo renoba e cargonan di gobernador den e 23 estadonan di e pais.

Dos aspecto ta diferente den e proceso aki, compara cu e anteriornan: no ta usa inkt indeleble y e candidato ta marca riba pantaya y no riba e carchi.

Liliana Hernández, coordinadora electoral di MUD a denuncia cu den estado Guárico ainda a keda mesa di votacion sin instala. “Den varios centro nan a duna orden pa tarda e proceso.Ainda den algun esatdo tin mashin cu a keda sin instala, manera den e caso di Guárico; esey ta un violacion di derechonan politico y humano di e elector.

E coordinadora electoral di MUD tambe  a exhorta e votantenan pa acompaña e testigonan den e fase di verificacion.

You May Also Like

Odebrecht ta nenga di a paga FARC

E gigante di construccion Brasileño Odebrecht a nenga ayera cu nan lo a entrega ...

Barco cu ayudo humanitario no por a sali di Curaçao

WILLEMSTAD – Gobierno di Curaçao a nenga salida di e barco Seven Seas cu ...

9 Naufrago rescata despues candela riba boto

Defensa Hulandes ta informa cu nan a rescata 9 naufrago diasabra di un boto ...

Brasil: Petrobras ta acepta paga pa resolve demanda colectivo na Merca di US$ 2.950 miyon

E empresa petrolero estatal Brasileño Petroleo Brasilero S. A. a informa ayera cu el a acepta ...

Lider di oposicion na Venezuela libera for di prizon

Lider di oposicion Venezolano Leopoldo Lopez, a wordo libera for di prizon pa bay ...

Dos sobreviviente di lancha cu a yega Corsou a keda deteni

Segun Reginald Huggins, vocero di Cuerpo Policial Corsou, dos homber nacionalidad Venezolano a keda deteni ...