Aclaracion sistema di cobransa impuesto nobo

Manera ya conoci, desde 1 di juli 2018, tin diferente cambio cu a wordo incorpora den ley di BBO y BAZV. Asociacion di Conseheronan di impuesto (AVvB) ta aclara e sistema nobo di cobransa di impuesto.

Den e sistema di impuesto di Aruba a inclui un impuesto nobo, esta e ‘Belasting op additionele voorzienigen PPS-projecten (‘BAVP) cu un tarifa di 1,5%. E tarifa di BAZV a subi di 2% pa 3%. E tarifa di BBO a keda 1,5%. En total e BBO/BAZV y e BAVP a bira 6%.

Segun e comunicado di AVvB, banda di e adaptacion di tarifa tin algun otro cambionan cu a wordo incorpora pero cu nos lo no trata den e articulo aki. AVvB ta spera di por duna un splicacion cu ta aclaria e sistema di cobransa di e BBO/BAZV/BAVP, cual ta na vigor tanto prome y despues di 1 di juli 2018.

E tipo di impuesto
E BBO, BAZV y e BAVP cu a keda introduci recientemente ta tiponan di impuesto cu ta wordo cobra riba e volumen di benta cu e empresarionan ta realisa den cuadro di nan empresa of profesion pa duna servicio of entrega di producto na Aruba.

Como volumen di benta ta wordo considera e total di e compensacion cu e empresario ta haya, incluyendo e BBO/BAZV/BAVP cu e empresario a cobra e cliente, pa e servicionan duna y productonan entrega den e cuadro di su empresa. E unico diferencia entre e BAZV y e BBO/BAVP ta cu e BAVP ta un cobransa destina (bestemmingsheffing) cual ta nifica cu e impuesto no ta bay pa gobierno su caha general sino ta destina pa e fondo di AZV.

Notificacion riba e factura
Na momento cu a introduci e ley di BBO na 2006 tabata poni den e concepto di ley un prohibicion pa menciona e BBO riba e factura. E tempo ey e sector comercial a protesta contra e prohibicion aki y asina a saca e prohibicion for di e ley definitivo. Esaki ta encera cu a base di ley actual e empresario ta liber pa dicidi si e kier pone e BBO y awo e BAVP riba e factura/bon of no.

Contrario na esaki, pa e BAVP (cual ta un cobransa destina) si tin un obligacion pa ley pa e empresario menciona e BAZV cu ‘e mester paga’ na Departamento di Impuesto riba e factura/bon. Tambe en caso e empresario ta cobra e BBO/BAZV/BAVP na su clientenan y kier menciona esaki riba su factura/bon, e mag di duna e BBO/BAZV/BAVP un otro nomber, por ehempel sales tax, tax, impuesto y heffing.

Tarifa
E empresario ta liber pa dicidi si e ta cobra of no cobra of cobra parcialmente e 6% ‘cu e mester paga na Departamento di Impuesto’ na su clientenan. Cu tin empresarionan cu ta cobra un tarifa diferente, por ehempel 6,38% tambe ta permiti. Por ehempel, pa via di cobra e porcentahe di 6.38%, e BBO/BAZV/BAVP cu empresario mester paga na Departamento di Impuesto ta wordo carga completamente pa e cliente. Esaki ta un decision di e empresario cu ta permiti pa ley.

Conclusion
A base di e ley actual, empresarionan tin e libertad pa dicidi con nan kier cobra e BBO/BAZV/BAVP y na cual tarifa nan kier cobra nan cliente. For di punto di bista di e cliente esaki por trece confusion, si cada empresario trata e BBO/BAZV/BAVP na un manera diferente. Ta keda e ora na cada cliente pa dicidi cerca ken e ta haci su compranan, e comunicado ta clausura.

 

You May Also Like

image.jpeg

Sason Cubano 2016 ta un homenahe di Aruba pa Puerto Rico y Cuba

E organisado y promotor cultural, Mirto Laclé, kier comparti cu comunidad e contribucion musical y cultural, origina na ...

Panaderia Moderna a invita ciudadano cu a keha riba restonan di raton den pan

Algun dia atras manera cu nos a publica, un ciudadano a post un potret ...

5P3A9917.JPG

Kiebro y ladronicia na Salina Department store

Diamars mainta propetario di Salina Departament Store na Paradera tabata presente hunto cu e ...

Husticia proyecta pa conoce varios cambio den 2018

Durante dia di ayera e mandatario encarga cu cartera di husticia, Andin Bikker (POR), ...

TeleAruba lo haya management team pa mehora situacion financiero

Gobierno lo bay nombra un management team pa asina dirigi TeleAruba. Minister Romero (MEP) ...

club problema social.jpg

Abuso sexual contra menor di edad y pedofilia ta problemanan hopi peligroso

Presidente saliente di Kiwanis Circle K, e hoben  Lorenzo Dirkzs  a declara na Bon ...