(AP) —Legisladornan di Union Europeo ayera a bay di acuerdo pa renoba e tasanan di importacion di Ucrania, cu ta na lugar desde tiki despues cu Rusia a invadi, mientras a agrega medidanan protectivo pa productonan agricultural manera grano y honing pa atende e preocupacionnan di agricultornan na e bloc di 27 nacion.
Agricultornan rabia pa e ‘red tape’ y competencia di importacion barata di paisnan selecto ta bin protestando vehementemente den simannan recien na e bloc. Polonia tabata entre e paisnan liderando e accion contra importacionnan duty-free despues cu agricultornan Polaco a blokea paso di frontera cu Ucrania na februari, bashando abao grano Ucraniano y kimando taira mientras nan a intensifica un protesta nacional contra importacion di cuminda Ucraniano y politicanan ambiental di UE.
Bao di e acuerdo cera den oranan trempan ayera, UE lo renoba su suspension temporal di tarifa di importacion y quota riba exportacionnan agricultural di Ucrania pa e bloc, otorga pa prome biaha na 2022 pa sostene Ucrania den e guera contra Rusia.
Sinembargo, e ta yega cu un seguridad reforsa cu lo forsa e brasa ehecutivo di UE, Comision Europeo, “pa reintroduci quota di tarifa si importacion di galiña, webo, sucu, avena, maishi y honing” surpasa e volumen averahe importa na 2022 y 2023. Esaki lo limita importacion barata di e productonan aki cu meta pa tene agricultornan domestico competitivo den e mercado pa e productonan basico aki.
E contingencia inicialmente tabata cubri galiña, webo y sucu, pero a extend’e pa inclui avena, maishi y honing.
Legisladornan di UE a bisa cu nan tambe a “logra compromisonan firme for di e Comision pa tuma accion si tin un aumento di importacion di trigo Ucraniano.
E acuerdo, alcansa den bispo di un cumbre di lidernan di UE na Brussels, awo mester di keda aproba formalmente pa tanto Parlamento como e paisnan miembro pa drenta na vigor na comienso di juni y extende te di 25 di juni 2025.
