(AP)—E “watchdog” Frances a castiga Google diaranson cu un otro multa grandi pa un disputa largo tocante pagonan na editornan Frances pa nan noticia.
E French Competition Authoritya bisa cu el a suministra un castigo di 272 miyon dollar pa via di e fracaso di Google pa cumpli cu algun compromiso cu el a haci den un framework di negociacion.
E disputa ta parti di un esfuerso mas grandi pa autoridadnan den Union Europeo y rond mundo pa forsa Google y otro companianan di tecnologia rico pa duna editornan di noticia compensacion pa contenido.
E gigante di tecnologia basa na Merca mester a negocia cu editornan Frances despues cu un corte den 2020 a duna orden bisando cu pagonan ta rekeri pa un ordenansa di copyright di Union Europeo.
Google a bisa den un publicacion cu el a acorda pa cumpli cu e multa, cual a ser imponi pa con el a conduci e negociacionnan, “pasobra ta tempo pa sigui bay dilanti.” El a bisa cu e multa “no tabata proporcional” na e asuntonan treci dilanti pa e watchdog Frances y “no ta tuma den cuenta suficiente” e esfuersonan di Google pa contesta y resolve e preocupacionnan.
Francia tabata e prome den e bloque pa adopta e ordenansa di copyright, cual ta habri caminda pa editornan y companianan di noticia yega na tratonan di licencia cu plataformanan online.
E decision diaranson pa e French Competition Authority ta e di cuatro den e añanan cu Google a fracasa pa cumpli cu e framework legal di UE. E agencia Frances a suministra un mandato temporario pa Google den april 2020 pa tene discusionnan dentro di tres luna cu editornan nobo. Den 2021, e agencia a castiga Google cu un multa di 500 miyon euro pa fracasa di negocia un pago husto pa e noticianan di e editornan.
