(AFP) – Departamento di Husticia riba diamars a descarta un plan pa crea un programa di compensacion di $1,8 biyon cu criticonan a denuncia como un fondo pa Presidente Donald Trump su aliadonan politico.
“Nos no lo sigui padilanti cu e fondo. Fin,” Procurador General Todd Blanche a bisa durante e testimonio prome cu Cas Blanco su Appropriations Committee.
E ta tocante un di Trump su iniciativa mas divisivo den e segundo termino, cual a haya critica for di Democratanan, expertonan legal y te hasta algun miembro di Congreso den e presidente su propio partido Republicano.
Un hues federal ya caba a temporalmente blokia e Cas Blanco di sigui padilanti cu e “anti-weaponization fund” diseña pa compensa hende cu ta bisa nan a ricibi trato inhusto di gobierno Mericano.
Hues di Districto Mericano Leonie Brinkema temporalmente a prohibi e administracion siman pasa di tuma mas accion pa crea of opera e fondo mientras cu e ta considera impone un pausa mas largo.
E fondo a ser crea pa e Departamento di Husticia como parti di un acuerdo extraordinario di Trump su demandanan civil contra Internal Revenue Service (IRS) pa e leak di su pagonan na impuesto despues cu un ex-contratista di gobierno a revela esaki.
Otro parti di e acuerdo ta prohibi IRS di persigui Trump, su famia of companianan pa cobransa di impuesto atrasa y Blanche, Trump su abogado personal, a bisa cu esaki ta keda na luga.
“Nada a cambia cu esey,” el a bisa.
Bao termino di e acuerdo, IRS ta “pa semper prohibi” di persigui cualkier cobransa di impuesto for di Trump, su famia of su negoshinan cu tabata pendiente prome cu e fecha di 18 di mei
Trump ta e prome presidente Mericano den temponan reciente cu a publicamente revela su pagonan na impuesto. El a bisa den varios ocasion cu nan ta audita pa IRS.
E administracion di Trump a bisa cu e fondo tabatin intencion di compensa esnan cu a sufri di uso di gobierno como un “arma” – Trump su termino pa loke e ta bisa ta blanco politicamente motiva contra conservativonan y su sostenedornan.
Sinembargo oposicion a bisa cu e fondo no tabatin base legal cla, tiki supervision publico y por ser usa pa premia esnan leal, incluyendo esnan cu ta condena pa crimennan relaciona cu dia 6 di januari, ora cu e incidente di agresion na US Capitol a tuma luga.
Trump, riba su prome dia back na mando aña pasa, a otorga pordon na mas di 1.500 persona condena pa e agresion di Capitol, ora cu su sostenedornan a ataca Congreso den un esfuerso pa anula Joe Biden su victoria den eleccion di 2020.
Administracion Trump tambe a cuminsa kita comunicadonan di prensa di Departamento di Husticia tocante e persecucionnan di dia 6 di januari, yamando nan “propaganda partisano.”
Sinembargo e fondo a bira politicamente toxico te hasta entre algun Republicano.
Lidernan di Senado Republicano a vota riba proposicionnan grandi pa financia Immigration and Customs Enforcement y Border Patrol parcialmente pa motibo di preocupacion cu e fondo por permiti e acusadonan di januari 6 ricibi placa di pagadornan di impuesto.
