Benny Nisbet (PPA): ‘Ehecucion di e relacion huridico Aruba/RDA y Rda cu Citgo/Pdvsa ta wordo suficientemente controla?’

ORANJESTAD – Pueblo di Aruba a wordo informa cu Gab. Wever Croes lo a reuni cu representacion di Citgo/Pdvsa e siman cu a pasa cu nan a informa cu e asina yama ‘Fase 2 lo a wordo poni on hold temporalmente’ y cu esaki ta nifica cu lo manda trahado cas  pa un periodo’.

Tambe nos por a tende di ministro presidente Evelyne Wever Croes cu  gobierno lo a nombra un ‘crisis team di experto’ pa analisa e situacion y duna conseho na gobierno.

PPA tin pregunta publico  cu nos lo kier haci na gobierno/ nos ministro presidente mr. Evelyne Wever Croes al respecto y nos ta spera cu nos Ministro Presidente lo trata nos preguntanan publico aki cu e seriedad cu nan merece di wordo trata.

  1. No ta asina cu e compania di gobierno RdA esta ‘Refineria di Aruba’ tin e tarea pa controla  Citgo/Pdvsa den ehecucion di e contract cu a wordo negocia door di gab Eman y aproba door di 20 di 21 miembro di parlamento ??
  2. Den e contract aki tin un cantidad di capitulo y articulo pero tambe definicion di cierto situacionnan cu RdA mester analisa, cuestiona Citgo/Pdvsa y conseha gobierno al respecto? No ta pa e tarea aki  trahadonan di RdA ta wordo paga salarionan sumamente halto cu pueblo ta cuestiona como halto dimas seriamente?
  3. Na mes momento PPA a keda sumamente sorprendi y esaki decepciona cu declaracion di Min Pres cu awor  numa a nombra un crisis team pa e situacion di Refineria/Citgo/PDVSA ……….PPA ta di opinion cu un crisis team lo mester ta existi for di dia cu a tuma e responsabilidad di gobernacion over !!
  4. Biniendo bek na e ‘contract’ y e capitulonan diferente cu tin cu ta defini e relacion entre Aruba y Citgo/Pdvsa PPA kier referi  na e ‘Refinery Lease Agreement by and between Refineria di Aruba NV and CITGO Refining NV for the Aruba Refinery Execution date: june 10 2016’ capitulo 23  suspension of operations riba e.o. pag 40, 41, 42.

Nos pregunta ta:
Segun gobierno den cual periodo/fase nos ta actualmente si uza e terminologia stipula den e contract completo firma aki.

Pasobra gobierno a informa pueblo cu  Citgo/Pdvsa lo a informa cu ‘fase 2 lo ta poni on hold”  PPA ta ripiti  bou di cual terminologia segun e contract aki e palabranan aki ta cay ? Y kico ta e conseho cu gobierno a ricibi di RdA ta bisa al respecto?

PPA ta cita e siguiente articulo for di e contract menciona:

23.3

During any Suspension Period, CAR will be entitled to wholly suspend  operations of the Refinery for up to twelve(12) months and any such suspension shall not be or be deemed to be a breach of the Agreement, the Definitive Participation Agreement or any other Implementing Agreement, provide that, during a Suspension Period.

(x) CAR shall  continue to perform such maintenance of the Refinery as is  reasonably required to maintain the state or readiness of the Refinery;

(y) CAR shall  not perform  any collective layoffs and shall continue to comply with any individual  and collective labor agreements with its employees in accordance with the terms thereof; and

(z) CAR shall continue to observe its obligations to pay  such taxes as it may owe in accordance with Section 7 of the Definitive Participation Agreement and the Lease Fee  hereunder.

PPA ta di opinion cu esun cu ta lesa nos articulo lo cuminsa comprende e pakico di nos pregunta kico e palabra uza ‘ poni on hold’  ta nifica  ‘suspend operations of the Refinery ?  Y si  acaso e ta e caso gobierno por clarifica:

  1. Di con ta permiti  Citgo kita trahado for di trabou ? Cuanto trahado a wordo manda cas?  Con esaki ta cuadra cu locual ta formula den 23.3 punto (y)? Con pueblo mester comprende esaki ??
  2. Tambe PPA ta desea di sa si Citgo a cumpli  y no ta atrasa cu su debernan di ‘belasting’ conform e contract aki y  e parti (z) di e articulo cu nos a cita ?

PPA ta desea di wordo splica  di nos ministro presidente Evelyne Wever Croes:

  1. Citgo/Pdvsa ta splica cu e motibo cu nan mester a pone ‘fase 2 on hold’  ta e medidanan impone pa gobierno Americano recientemente. Hecho ta cu den e mundo petrolero un suma di inversion di 800 miyon ta ‘chickenfeed’. Di con bin nan no por a regla e financiamento aki  for di comienso ora cu no tabata tin e medidanan tras di cual ta sconde awe ??
  2. Cuanto biaha  RdA a duna gobierno conseho  relaciona cu e contract den su totalidad of cualkier articulo menciona den e  contract aki ? Y si acaso ta asina con a formula e diferente ‘fase’ den cual  cu e contract ta wordo ehecuta?
  3. Si acaso ta asina …..Cuanto biaha gobierno di Aruba a pidi un comision di experto of nan representacion legal/oficina di Abogado, Accountant etc. conseho  durante e aña y algun luna cu e gobierno aki ta na mando ??
  4. Off gobierno ta sali for di e punto di bista cu como cu den e calidad di oposicion e tempo ey  a vota PRO e contract cu su contenido cu gobierno ta sinti su mes suficientemente na altura di kico nan a aproba ?

Finalmente PPA kier bisa cu nos ta lamenta cu Staten di Aruba e representacion oficial di nos pueblo no ta cuestiona gobierno suficientemente pa cu e relacion di gobierno y RdA NV di un banda y e relacion cu Citgo/Pdvsa  al respecto.

 

 

You May Also Like

‘Mester traha riba leynan pa proteha tesoronan arkeologico’

Museo Arkeologico Nacional Aruba a organisa un actividad y hopi hende a participa, tabatin ...

Partido AVP: ‘Pa persecucion politico Aruba ta keda sin Oncologo pa 10 dia’

ORANJESTAD – Loke a caracteriza e Gobierno actual di Aruba, e líder di AVP ...

Parlamentario Alan Howell(POR): ‘Mi ta para tras di Cuerpo Policial 100%’

Durante conferencia di prensa di Fraccion di POR, parlamentario Alan Howell a comenta riba ...

Rocco Tjon (MEP): ‘Delegacionnan di islanan a yega consensus riba geschillenregeling’

ORANJESTAD – Parlamentarionan di Sint Maarten, Corsou y Aruba a reuni pa prepara topiconan ...

Partido POR lo trece cambio na fabor di e pensionado

Plataforma E forsa Nobo POR a dicidi di prepara e oferta na comunidad y ...