
(AFP) – Un red secreto cu US National Security Agency (NSA) ta usa pa comunicacion a cay diamars, media Mericano a reporta.
CNN a cita 6 persona familiar cu e blackout y a bisa cu te ainda no tin evidencia di un atake cibernetico, den e suceso tecnico mas recien cu a plaga Merca den solamente algun dia.
Wall Street Journal a cita un persona familiar cu e incidente di NSA como bisando cu e blackout a surgi for di trabao di actualisacion di software y no tin evidencia di hacking.
NSA no a inmediatamente responde na un peticion di AFP pa comentario.
E sistema nobo di NSA, yama NSA Net, a permiti empleadonan di Merca su agencianan di spionahe comparti informacion clasifica internamente, CNN a bisa.
Secretario di Seguridad Interno Markwayne Mullin a insisti den un entrevista riba CNBC den un entrevista riba CNBC cu e ola di blackout den dianan reciente no ta causa pa criminalnan cibernetico.
“Mi por bisa cu siguridad completo cu nos no ta bao un atake. No tin menasa cibernetico tumando luga. E pais ta hopi sigur,” el a bisa.
Biahe aereo a keda stroba pa loke e administracion di Trump ta yama ekipo anticua, causando cu reguladornan a para tur vuelo pa varios ora diabierna atardi. E problema aki a laga pasaheronan y tripulacion den fin di siman y comienso di e siman aki benta na aeropuertonan.
Microsoft tambe a sugri un blackout grandi siman pasa cu a afecta usuarionan di Outlook y Teams rond di mundo.


