Ahata: Te awo na altura di 2 cancelacion hotel pa motibo di Zika

zika emergency.jpg

ATA, AHATA y tambe Despa ta traha hunto pa loke ta distribucion/publicacion actualisa di virus Zika. Segun Ahata, ta na altura di 2 cancelacion di reservacion hotel. Mientras cu ATA su team ta monitor tur locual cu wordo publica di Aruba internacional y percura pa informacion oficial wordo publica internacional y local.

Ahata (Aruba Hotel and Tourism Association) 

James Hepple CEO di Ahata ta bisa cu tin cantidad abou di cancelacion na hotelnan y cada hotel ta atendiendo cu e cancelacionnan a base di nan mesun “policy”. E por bisa cu kisas den dos caso e sa sigur cu e personanan a indica cu ta pa motibo di embaraso nan a opta pa cancela nan reservacion pa preveni cu ta core cualkier riesgo pa haya Zika.

Segun Sr. Hepple awo cu WHO a indica cu e virus ta un emergencia di salud publico, e ta spera cu hende rond mundo wordo miho informa di e paisnan cu tin e virus y e peligernan. A puntra Sr. Hepple si e tin algun preocupacion pa e desaroyo aki cual el a indica cu berdad ta e caso mirando e atencion cu e topico ta hayando mundialmente cu por cay negativo pa Aruba. Sinembargo, el a bisa cu e ta spera cu awor hendenan por haya informacion corecto y tene cuenta cu no tin relacion estableci ainda entre e defectonan di baby y e virus, cual ta e preocupacion grandi pa hopi.

Reaccion ATA (Aruba Tourism Authority)

CEO di ATA Ronella Tjin Asjoe – Croes a bisa Bon Dia cu ta trahando di cerca cu Ahata y Despa diariamente y esunnan concerni cu ta informa comunidad local tambe. “Ahata ta hopi clave den esaki, nos ta monitoria si cancelacionnan ta drenta y cuanto esakinan ta. Tin cancelacionnan cu a drenta pero esakinan ta hopi sporadico te cu aworaki pues ainda  no a mira un encremento significante den esaki,” El a splica.

Segun Sra. Tjin Asjoe – Croes comprendibel ta e hecho cu ta hendenan na estado ta esunnan cu ta prefera di no tuma risico. ATA ta na altura di noticia internacional cu hende muhe na estado ta opta pa cancela nan biahe. Pa loke ta e cancelacionnan, Sra. Tjin Asjoe – Croes a bisa cu nan a tuma nota cu diferente aerolineanan entre otro ta hopi flexibel pa ‘rescheduling’ cual ta hacie mas facil pa  personanan principalmente na estado por planifica otro fecha di biahe.

“Nos ta (a base local y internacional), transmiti locual e autoridad oficial (Despa) ta bisa di e situacion na Aruba.”

Seccion cu ta atende cu Internacional, ta hopi extenso riba e topico y tin reaccionnan formula caba. Departamento di PR y esunnan cu ta monitoria tur locual cu ta wordo papia di Aruba internacional,  por duna un reaccion den diferente situacion a base di informacion oficial di Aruba, el a termina bisando.

 

You May Also Like

Hulanda ta interveni den inspeccion aviacion

E reportahe di e inspectornan di Hulanda despues nan bishita ultimo simannan ta asina negativo ...

Aclaracion riba e tema polisa di seguro

Den luna di december 2016 a pasa un caso caminda famianan di un miembro ...

20jul FD seguro no kier cubri daño (1).jpg

Seguro Citizens no kier paga daño di accident desde october

Ciudadano hopi disgusta cu compania di seguro cu no kier cubri gasto di accidente ...

Colegio Arubano den situacion financiero dificil

E scol secundario di havo/vwo Colegio Arubano ta bou di un supervision stricto pa ...

Restaurantnan cera (3).JPG

Dos restaurant cera diabierna atardi

Diabierna atardi varios departamento di gobierno a tene un control na dos restaurant/bar na ...

FTA ta bira unico sindicato den henter sector bancario

For di 2’or atardi ora cu e referendum pidi pa sindicato FTA  a cuminsa ...