Polis a haya un auto di huur na Rooi Santo cu awor ta investigando si esaki a keda uza den e atraco awe mainta algo prome cu 7or na casino Excelsior di hotel Holiday Inn.
Te awor ta conoci tres homber cu arma a drenta e luga (riba potret) y a mara 4 empleado. Un ora y mey despues un trahado a logra los y a bati alarma. Tres persona a haya atencion medico ora polis y ambulance a presenta. E atracadonan supuestamente a dal e trahadonan cu arma.
Cu cuanto placa nan a bay no ta conoci ainda. Pero tin indicacion cu ta un suma grandi.
Autoridanan ta controlando e fronteranan (lama, aereo) y te awor barconan no mag di sali.
