Dialuna anochi dos homber arma a presenta na un cas na Sabana Liber y pone arma di candela na cabes di un señora. E hombernan tabata grita pa placa y a menasa un señora na e cas poniendo e arma di candela na su cabes. E atracadornan cara tapa a bandona e sitio den un kia picanto cora cu tabata pertenencia na e cas bandona y asina a huy den e area di Alto Vista. Un di e hombernan tabata papia bon papiamento y e otro papiamento kibra. Polis a presenta basta lihe na e area pa tuma datos na e cas y otro patruya a topa cu un auto blanco actuando sospechoso den e area. A resulta cu un di e personanan den e auto blanco no tabatin documento legal y a keda hiba warda. Mientras a topa cu e auto riba un caminda di santo y a tuma e vehiculo den beslag pa investigacion.
