Ainda no a yega na paso legal riba retiro di director di Utilities N.V.

ORANJESTAD – Abogado Hans Sjiem Fat, kende ta representa director di Utilities Aruba N.V., Frans Hoevertz, no sa pa kico su cliente a wordo kita di e funcion aki. E ta kere cu esun cu mester tin contesta riba e pregunta aki ta e accionista principal di Utilities mes, cu ta gobierno; y hunta di comisario di e compania.

Aworaki e ta prefera di no duna mucho detaye riba e situacion aki. Den su opinion, e ta kere cu no tabatin hustificacion pa hala sr. Hoevertz for di su trabou. Tanten cu e situacion aki ta wordo defini, Hoevertz su contract di trabou ta sigui na vigor. E contract aki no a wordo termina ainda. Locual a wordo termina ta e relacion di Hoevertz como director di e compania menciona.

E abogado no a descarta cu algo asina lo por a pasa cu su cliente, sigur considerando nos custumber politico y algun otro retiro cu a yega di sosode den otro companianan estatal cu e cambio di gobierno ultimo.

Den un situacion asina, Sjiem Fat ta kere cu mester pensa riba pasonan legal si ta necesario. Sinembargo, ainda nan no a yega na e fase aki, ya cu ainda nan ta den un proceso di dialogo cu eventualmente lo por yega na un entendimento riba terminacion di e relacion laboral di Hoevertz di un forma mas amigabel. Te ainda no tin un proposicion concreto cu a wordo presenta riba mesa; pero den e proceso di dialogo cu e partinan envolvi ta hibando, lo por surgi algo den e proximo dianan, si nan por yega otro si of no.

Aunke su contract ta vigente, Hoevertz no ta den funcion mas como director di Utilities N.V. Pero logicamente e mester keda disponibel si mester di dje pa atende asuntonan di e compania mes, cu esun cu lo asumi su funcion no sa. Temporalmente hunta di comisario a punta Richard Eman pa representa e compania.

E retiro di Hoevertz for di su funcion no tabata un sorpresa. Generalmente, un reunion di accionista di e caliber aki semper ta wordo anuncia cu anticipacion, caminda un punto riba nan agenda tabatin di haber cu e retiro di Hoevertz como director di e compania aki.

You May Also Like

Urgencia pa Aruba bira mas accesibel pa personanan cu limitacion

Nos isla no ta tene suficiente cuenta cu personanan cu limitacion como consecuencia cu ...

‘Debate Millennials a bay hopi mas miho di locual nos a spera’

Un di e hoben organisadonan principal di e Debate Politico Constructivo cu a tuma ...

IMG_7305.JPG

Homber perdi a keda encontra na Dakota

  Diamars den careda di 3 or atardi patruya di Oranjestad a topa cu ...

15-11-16accayorock (8).JPG

Buggy a bolter altura di Ayo Rock y persona a keda herida

Diamars merdia riba e caminda di santo pa Ayo Rock formation a sucede un ...

24Jun,JO, Eagle2.JPG

ATA: Proyecto di Kiosco y bañonan na Eagle Beach ta un concepto necesario

Isha Tapias-Kock, specialista di Producto na Aruba Tourism Authority (ATA)  ta splica Bon Dia ...

Problema dump (1).jpg

Gobierno tin pensamentonan Green pero en realidad ta haci otro

Awe a tuma luga e apertura di e 7 edicion di e Green Conference ...