Alcalde di Barcelona a pidi pa calma despues cu protesta separatista Catalan a cuminsa bira violento, sacudiendo e di dos ciudad mas grandi di Spaña pa di cinco anochi di manifestacion.

“Esaki no por sigui, Barcelona no merece esaki”, Alcalde Ada Colau a bisa reportero, agregando cu violencia a bira mas pio riba diabierna. Autoridad ta bisa cu mas manifestante lo bin pa e siguiente dianan.

Separatista radical a pleita cu polis tur anochi na Barcelona y otro ciudad di Cataluña despues di protesta di hendenan cu ta rabia pa motibo cu corte supremo a duna veredicto pa sentencia 9 lider separatista pa prizon.

Mas di 500.000 persona a reuni na Barcelona pa un show masivo di sosten na e movemento. Prome cu anochi, miles di hoben a pone un mascarada y a bay rond di e oficina superior di Polis Nacional y a cuminsa un pelea na e ciudad, cu ta popular pa turista.

Manifestante a kima centenares di bar’i sushi y tira bom traha cu diferente material y obheto na polis, causando daño serio. Residente y turista a cuminsa core pa asina proteha nan mes. Autoridad a bisa cu mas di 500 persona a ser herida, incluyendo Polis y manifestante.

18 persona ta hospitalisa, y un di nan den condicion serio. Polis a aresta mas di 150 persona. “Nos ta sinti cu nervio, tabatin un bon esfera na Barcelona. Cada persona cu nan mesun idea. Nos tabata biba den paz”, Maria Jesus Cortes a bisa, un hende muhe economista di 54 aña di edad.

Minister di Interior, Fernando Grande-Marlaska a puntra President Regional di Cataluña, Quim Torra, pa condena explicitamente e violencia cu ta creciendo y ta expresa su sosten na polis, cu ta haci nan trabou pa cumpli ley. A pasa 5 dia unda e no a condena e violencia.

Torra a pidi pa manifestante respeta e principio di no violencia di e movemento separatista cu a surgi den e ultimo decada. Oficina di Prome Minister a contesta cu gobierno di Spaña semper ta na fabor di dialogo, pero paden di limite di ley.

 

LEAVE A REPLY

Please enter your comment!
Please enter your name here