Diabierna anochi riba Green Corridor na e brug di Spaans Lagoen, un accidente serio a tuma luga unda velocidad halto a hunga un rol.

E accidente a tuma luga ora cu un auto a perde control dal den otro y pone cu tanto un Nissan Tiida y un Toyota Altezza a cay for di e brug. Tabatin varios persona herida, entre nan un mucha.

Personal di brandweer a presenta cu urgencia na e sitio pa corta un auto pa saca e victima, mientras esun den e Altezza a sali di su mes. Paramediconan di ambulance a atende cu tur e victimanan. Polis tabatin e caminda cera pa polis di trafico haci nan investigacion. E helicopter di polis tambe a subi bek pa duna un man cu luz.

Tur victima a keda transporta pa hospital.

 

1 COMMENT

  1. Bus di Arubus ta dal frontal pa di dos biaha, e mesun maniobra. Dicon uza asina hopi velocidad: dicon no sali for di bo cas mas trempan pa core trankil, cu wowo habri. Unabez hende sali cu trankilidad tur cos ta bai bon, ora hende tin pura, of ta laat, e intrankilidad mes ta trese cu cos ta pasa. Mas den December trafico ta bai bira mas druk, miho nos cuminsa na practica serenidad, pensa cu sa tin mucha chikito den auto, si bo ta core duru, bo por dal den un auto di famia, manera esun cu a cai for di brug. Ban pensa riba e consecuencianan prome cu nos trot e gasolin. Mi tambe tabata young, mi tambe a core duru, pero danki Dios mi no a mata ningun hende. Awe en dia e trafico ta mas pisa.

LEAVE A REPLY

Please enter your comment!
Please enter your name here