Diahuebs den oranan di merdia, EPB Oranjestad a tene nan competencia di Crossfit Challenge bou di nan alumnonan. Mirando e interes grandi a haci un ronda preliminar caminda e mihonan di e scol a pasa pa e ronda final.
Mester bisa cu e alumnonan tur tabata entusiasma y tur a haci nan maximo esfuerso pa ehecuta tur e ehercicionan den forma. Docente di gym y alabes organisado di e competencia, Noortje Derksen hunto cu alumnonan den e Sector di Cuido tabata masha contento cu e outcome, e presencia y prestacion di tur e alumnonan cu a participa. E iniciativa sigur tabata bale la pena ya cu no a spera e lo bira asina exitoso. A invita 2 bes campeon di Open Aruba Crossfit Challenge, Veronique Athens bin yuda guia e alumnonan.
Sin duda e Crossfit Challenge di EPB Oranjestad tabata un exito rotundo y pa otro aña lo invita alumnonan di EPB San Nicolas bin participa na e competencia.
1. Alejandra Serano
2.Thenika Edwards
3. Dayelis Perez
1. Joaquin Pieters
2. Joshua Muñoz
3. Tyrell Wanga
