Steam rises from the cooling towers of the Grohnde nuclear power plant near Grohnde, Germany, Wednesday, Dec. 29, 2021. Germany on Friday, Dec. 31, 2021 is shutting down half of the six nuclear plants it still has in operation, a year before the country draws the final curtain on its decades-long use of atomic power. (Julian Stratenschulte/dpa via AP)

(AP) — Alemania weekend ultimo a shut down mita di e seis planta nuclear cu ainda tin den operacion, un aña prome cu e pais ta cera e ultimo porta riba su decadanan di uso di energia atomico.

E decision pa elimina energia nuclear y transiciona di combustiblenan fossiel na energia renobable a ser tuma prome pa e gobierno di centro-iskierda di Gerhard Schroeder na 2002. Su sucesor, Angela Merkel a reverti su decision pa extende e bida di e plantanan nuclear Aleman despues di e desastre na Fukushima, Hapon, na 2011, y a pone 2022 como e fecha final pa shut down e plantanan.

E tres reactor cu awo ta shut down a keda cendi na mita di añanan 1980. Hunto nan a duna electricidad na miyones di hogar Aleman pa casi cuatro decada.

Un di e plantanan – Brokdorf, ubica 40 kilometer west di Hamburg riba riu Elbe – a bira enfoke particular di protestanan anti-nuclear impulsa pa e catastrofe na Chernobyl na Union Sovietico den añanan 1986.

E otro dos planta ta Grohnde, 40 kilometer sur di Hannover, y Gundremmingen, 80 kilometer west di Munich.

Algun persona na Alemania a haci un yamado pa reconsidera e fin di uso di energia nuclear, pasobra e plantanan di energia cu ya ta den operacion ta produci relativamente tiki dioxido di carbon. Defensornan di energia atomico ta argumenta cu e por yuda Alemania cumpli cu su metanan di clima pa reduci emisionnan di gasnan di invernadero.

Pero gobierno Aleman a bisa siman pasa cu decomisiona tur planta nuclear proximo aña y tambe eliminando e uso di carbon pa 2030 no ta bay afecta seguridad di energia di e pais ni su meta di haci e economia mas grandi di Europa ‘climate neutral’ pa 2045.

“Door di aumenta energia renobable masivamente y acelera e expansion di red di electricidad nos por mustra cu esaki ta posible na Alemania”, Minister di Economia y Clima, Robert Habeck a bisa.

Fuentenan di energia renobable a duna mas di 46 porciento di electricidad genera na Alemania na 2021. Carbon a conta pa mas di 51 porciento, mientras energia nuclear a duna mas di 13 porciento, segun Instituto Fraunhofer.

Varios bisiña di Alemania ya a termina cu energia nuclear of a anuncia plannan pa hacie, pero otronan ta kedando cu e tecnologia. Esaki a lanta preocupacion di un division nuclear na Europa, cu Francia planeando pa construi reactornan nobo y Alemania optando pa gas natural como un ‘brug’ te cu suficiente energia renobable ta disponible, y ambos banda argumentando pa nan fuente di energia preferi keda clasifica como sostenible.

E tres planta nuclear restante na Alemania – Emsland, Isar y Neckarwestheim – ta bay keda shut down pa fin di 2022.

Mientras ta bay perde algun cupo di trabao, compania di utility RWE a bisa cu mas di dos tercer parti di e 600 trahador na su stacion di energia nuclear Gundremmingen ta bay continua involucra den operacionnan post-shut down den añanan 2030. Companianan di energia nuclear Aleman ta bay ricibi casi $3 biyon pa e ciere trempan di nan planta.

Minister di Ambiente, Steffi Lemke a rechasa sugerencianan cu un generacion nobo di plantanan nuclear por pone Alemania cambia su rumbo un biaha mas. “Plantanan di energia nuclear ta keda facilidadnan di riesgo halto cu ta produci desperdicio atomico altamente radioactivo”, el a bisa grupo di medionan di comunicacion Funke siman pasa.

Ainda mester tuma un decision final riba unda ta bay warda e desperdicio nuclear mas potente produci den plantanan Aleman. Expertonan ta bisa cu algun material ta bay keda peligrosamente radioactivo pa 35mil generacion.

LEAVE A REPLY

Please enter your comment!
Please enter your name here