(wcpo.com) – Actriz y comediante Betty White a fayece diabierna. E tabatin 99 aña di edad.
White, kende su carera den entretenimento a dura mas cu ocho decada, a bira conoci como machi di Hollywood. Su inteligencia rapido, specialmente den su añanan final, tabata stima pa tur hende.
Agente di White pa hopi tempo, Jeff Witjas a bisa den un declaracion na AP y ABC News cu e tabatin ‘un bida y carera fantastico’.
White a gana prominencia nacional na Merca interpretando Sue Ann Nivens riba ‘The Mary Tyler Moore Show’ den añanan 1970. E ta probablemente miho conoci pa su trabao den ‘Golden Girls’, e sitcom cu a kibra tur barera door di duna un vehiculo pa actriznan di edad avansa bira un strea.
Hasta cu su 90nan aña di edad, White a traha regularmente. E tabatin un rol strea den e sitcom ‘Hot in Cleveland’ te ora e show a termina na 2015.
White a cende pantayanan di pelicula tambe, cu rolnan memorable den ‘Lake Placid’ y ‘The Proposal’ hunto cu actornan Ryan Reynolds y Sandra Bullock.
El a bira realmente famoso na momento cu el a aparece den un comercial di Snickers cu a pasa durante e Super Bowl na 2010. Despues, e tabata co-anfitrion di ‘Saturday Night Live’, pa loke el a gana su di siete premio Emmy.
Morto di White a yega apenas algun dia prome cu su di 100 cumpleaños, cu lo a tuma lugar dia 17 di januari.
White also lit up movie screens with her memorable roles in the horror spoof “Lake Placid” and the comedy “The Proposal,” alongside actors Ryan Reynolds and Sandra Bullock.
Tributo di su amigonan famoso a cuminsa aparece despues cu e noticia di su morto a bira conoci. “Nos tesoro nacional, Betty White a fayece tiki prome cu su di 100 cumpleaños”, George Takei, strea di ‘Star Trek’ a tweet. “Nos Sue Ann Nivens, nos Rose Nylund stima, a join shelo pa encanta e streanan cu su estilo inimitable, humor y encanto. Un gran perdida pa nos tur. Nos ta bay haya su falta.”
