SRI LANKA – Conservacion local y compania di barco internacional a uni hunto pa move e linea hopi trafica, como 28 km di distancia pa evita colision entre bayena y carga. Segun cientifico, e unico obstaculo ta gobierno di Sri Lanka, cu a nenga e propuesta. Esey ta pone e futuro di e bestia marino den peliger.

Segun biologonan marino ta calcula, tin entre 600 pa 1500 di bayena blauw den e awa di Sri Lanka, cu ta alimenta nan mes di camaron di e ruta di barco, y ta kere cu nan ta traha y trece nan yiu cerca di eynan.

Cientifico ta avisa cu bayena blauw na Sri Lanka ta particularmente vulnerabel, pa motibo cu nan populacion no ta emigra. Haciendo e barconan grandi di carga specialmente un menasa local. Agregando cu nan ta isola y ta na e ciudad henter e aña. Moviendo un barco lo haci un contribucion grandi pa salba nan.

Segun estadistica, e cantidad di bayena cu ta wordo mata pa e barconan aki ta tiki, pero algun estudio ta mustra cu miles di e bestia aki ta ser golpia fatalmente pa barconan grandi den e awa di Sri Lanka cada aña. Cientifico ta kere cu no ta tur bayena cu ta wordo mata ta wordo detecta, pa motibo cu nan curpa ta bay den profundidad di e ocean.

Michael Fishbach, kende ta director ehecutivo di ‘Great Whale Conservancy’ ta bisa cu proteha e animal ta crucial, y no solamente pa e especie, pero pa e planeta. El a splica cu bayena ta yuda stimula produccion di plankton ,cu ta produci mas oxigeno pa impacta e cambio di clima. “Pa e salud di e lama, nos mester mas bayena”, Fishach a bisa.