Cantante R. Kelly ta yora den entevista

CHICAGO – E strea di musica R&B a cuminsa yora, cu rabia el a lanta y bisa cu el a wordo ‘asesina’, durante su prome entrevista despues cu el a wordo acusa di abuso sexual. Yamando tur esunnan cu acusa e cantante manera gañando, y cu hende ta su tras pa placa.

E ta bisa cu e nunca a abusa sexualmente di un muhe of controla nan bida. E cantante, kende tin 52 aña, a wordo acusa siman pasa na Chicago di abusa sexualmente di 4 muhe na aña 1998, incluyendo 3 mucha muhe menor di edad.

Segun Kelly e ta bisa den entrevista cu ‘tur ta gaña’ agregando cu el a wordo asesina. El a yega na un punto durante entrevista, cu yen di rabia a lanta y su stem a cuminsa kibra, gritando ‘no ta ami, mi no a haci e cosnan ey’ na yoramento, ‘mi ta pleitando pa mi bida’.

Den entrevista, e cantante a bisa cu el a yega di haci hopi cosnan malo ora ta trata di muhe, pero el a pidi pordon. E ta continua nenga di haci algo contra nan boluntad of forsa nan. E contesta cu el a duna, ora nan entrevistado a puntr’e si e gusta muhe mas jong cune, el a bisa cu e ta un homber cu stima tur muhe, reconociendo cu el a yega di ta den relacion cu dos muhe mas hoben cune.

Como parti di e caso cu ta andando, Kelly tin prohibi di tene contacto cu muhenan menor di 18 aña. El a wordo declara inocente di 10 cargo di abuso sexual agrava.

 

You May Also Like

Muhe prohibi di drenta parkenan nacional na Merca despues di daña piedranan protegi

Un muhe a wordo prohibi di drenta parkenan nacional rond di Merca despues cu ...

Fiscal di Peru a adverti posibel riesgo di fuga di ex-presidente Humala

Diamars un fiscal a adverti tocante e posibilidad di fuga di ex-presidente di Peru ...

Putin: ‘Problema cu N. Korea por bira catastrofe global’

Presidente di Rusia Vladimir Putin a adverti cu e crisis escalando na Noord Korea ...

160429182650-spencer-tunick-photo-shoot-exlarge-169.jpg

Restaurant sunu na London: 32,000 hende ta registra

Bo lo kier kita tur bo paña y bay come na un restaurant special ...

Bataya den corte pa neutralidad di internet ta cuminsa

Companianan di tecnologia y casi mita di estadonan Mericano ta bringando contra administracion di ...