Numerous environmental activists block the tracks of the coal transport railway in Rommerskirchen, Germany, Saturday, June 22, 2019. The protests for more climate protection in the Rhineland continue. Many participants are expected for protests and actions at the Garzweiler opencast mine. Photo by: (Marcel Kusch/dpa via AP)

Centenares di activista ambiental a pidi un fin na nan protesta ayera paden di un di e minanan mas grandi di Alemania, despues cu polis varios biaha a duna orden pa nan bandona e sitio, citando peliger pa nan bida, y autoridadnan a retira algun protestant.

E mina di carbon lignito, Garzweiler, tabata enfoke principal di protesta ambiental na e region Rhineland di Alemania desde diabierna, ora 40mil studiante a uni pa mas accion gubernamental contra cambio climatico den e ciudad di Aachen.

“Nos a skirbi historia climatico e weekend aki”, e grupo activista End of Story a bisa, mientras a stop e protesta. “Nos movemento nunca tabata asina diverso ni asina determina.”

E protestanan, planea pa largo, a cuminsa diabierna, apenas algun ora despues cu lidernan di Union Europeo a faya den un cumbre pa yega na un acuerdo con pa haci Union Europeo neutral di carbon pa aña 2050.

Diasabra, algun demostrante a blokia e rail di un trein uza pa transporta carbon prome cu otronan a kibra un cordon di polis pa drenta e mina. Protestantnan y polis ambos a acusa otro di comportamento combativo den e mina, y di causa herida. Polis a bisa cu ocho oficial a keda herida.

Polis a corta e lock cu e protestantnan a uza pa mara nan mes cu cadena na e via di trein, y despues a carga e protestantnan hiba nan pafo un pa un. Polis a tuma identidad di tur demostrante prome cu laga nan bay.

Noticiero Aleman, dpa a reporta cu activistanan a bisa cu polis a nenga di duna awa y cuminda na esunnan temporalmente deteni. Polis a nenga e acusacion.

E mina tabata enfoke di hopi protesta den añanan recien, pa motibo cu e operador, compania di utilidad Aleman, RWE, tabatin plan di corta un boske pa amplia e mina.

Laat ayera, polis di Aachen a tweet cu RWE a entrega un keho criminal contra e protestantnan cu a mara nan mes na e via. E compania di utilidad a stop mineria pa tres dia pa motibo di e protesta.

Despues di lunanan di protesta climatico na man di studiantenan, y un aumento grandi den votacion pa e partido Aleman, Greens, canciyer Angela Merkel recientemente a duna su opinion tocante e meta pa haci Alemania neutral den carbon pa aña 2050. Esey lo nifica cu economia di e pais no lo añadi gas di invernadero na e atmosfera mas.

Cientificonan ta bisa cu caba uzo di combustibel fosil pa mediado di e siglo aki ta esencial si paisnan kier logra e gol mas ambicioso di e acuerdo climatico di Paris 2015, cual ta tene temperatura global for di hisa mas cu 1.5 grado Celsius compara cu tempo pre- industrial.

 

LEAVE A REPLY

Please enter your comment!
Please enter your name here