Amsterdam ta bendiendo su empresa problematico di eliminacion di residuo AEB, y si nan no haya un cumprado, nan mes lo mester financi’e. Naturalmente e servicionan publico mester ta garantisa, pero esaki no tin cu sosode di e forma actual, e Hunta di Ehecutivo di e ciudad a bisa den un comunicado.

Na principio di e luna aki gobierno a anuncia cu Hulanda lo stop di importa sushi di otro pais debi na problemanan na e empresa di eliminacion di sushi den dificultad. E gran parti di e residuo produci na Hulanda ta incinera na e planta, pero 20% ta bin di afo. AEB cu a promociona como e compleho incinerator di residuo mas innova di e pais na 2006, y cu tambe a proporciona calefaccion na mas di 35,000 cas di e ciudad, a ser afecta pa problemanan.

A pesar di un inyeccion di capital di 16 miyon euro, cuater di e seis incinerator mester a wordo cera na juli, locual a reduci e capacidad di e planta.

Segun Financieele Dagblad, Amsterdam ta dispuesto pa bende e empresa den su totalidad of chop den unidadnan separa. Sinembargo bende AEB lo ta dificil, debi cu e acumulacion di gasto di mantencion, segun e corant.

Entre e cumpradonan potencial tin e procesado di residuo HVC cu tambe ta den man di autoridadnan local, e compania grandi Frances di residuo Suez y dos empresa Aleman EEW y Remodis cu ta activo na Hulanda, e corant a bisa.

 

LEAVE A REPLY

Please enter your comment!
Please enter your name here