Presidente di Venezuela, Nicolas Maduro, a confirma diamars pasa contacto cu tin entre su gobierno y halto funcionario di Washington, respaldando e declaracionnan ofreci oranan prome pa Presidente Mericano, Donald Trump.

“Mi ta confirma cu desde lunanan atras tin contacto cu halto funcionario di gobierno di Merca, di Donald Trump, y di gobierno Bolivariano bou mi expresa autorisacion, directo, varios contacto, varios via, pa busca regula e conflicto aki”, Maduro a bisa na radio y TV.

E declaracionnan di Maduro ta desmenti e number dos di e chavismo, Diosdado Cabello, kende a nenga di tin reunion cu un intermediario na Cas Blanco, y ta responde pa Trump, kende a sigura cu su gobierno ta mantene combersacion ‘na nivel hopi halto’ cu funcionarionan di Venezuela, aunke Washington ta desconoce e legitimidad di e gobierno di Caracas.

Segun AP, Cabello a sostene na luna di juli pasa, hunto cu un representante di Cas Blanco, contacto pa facilita e salida pa e crisis politico y social di e pais, pero el a nenga esey. “Nos ta den contacto. Nos ta papiando cu varios representante na Venezuela,” Trump a bisa periodistanan.

Confronta cu e pio crisis den historia recien di Venezuala, Maduro a señala colaboradonan di Trump di ‘tapa’ pa e lider Mericano e ‘berdad’ y bende un Venezuela di ‘mentira’.

Dia 2 di augustus pasa, Trump a admiti di considera ‘un blokeo of cuarentena’ di e pais Caribeño, cu lo impedi e entrada y salida di mercancia. Di su banda, Venezuela, a denuncia Merca na ONU pa via di ‘e criminal blokeo y menasa di blokeo naval y uzo di forsa contra e pueblo’, diamars pasa e canciyer Jorge Arreza a skirbi riba Twitter.

 

LEAVE A REPLY

Please enter your comment!
Please enter your name here