(NLTimes) – Mas di 2,000 experto di drone, creador di politica y companianan lo atende RAI na Amsterdam pa un conferencia di 3 dia. Durante e conferencia aki yama Amsterdam Drone Week nan lo trata con drone pro keda usa pa transporta di pasahero. Drone te ainda no a ser usa como taxi, pero esaki ta premira di tuma luga pa prome biaha siguiente aña durante Paris Olympics.
Actualmente, drones ta ser usa pa cuerpo policial pa monitor manifestacionnan of eventonan deportivo. Prome cu e aña aki su zomer, e asociacion di trafico ANWB tin plan di usa drone pa transportacion di emergencia na hospital.
Den Europa, ya caba a conduci testnan cu drone taxi cu piloto pero sin pasahero segun Nynke Lipsius, director di ADW. Esaki ya caba ta bayendo “hopi bon,” segun Lipsius a declara. El a señala tambe cu ya caba tin reglanan di trafico Europeo, reglanan cu e drone mester sigui y reglanan tocante ki licencia e piloto mester tin. Sinembargo, te ainda mester haci acuerdonan riba unda e drone por bula. “Municipalidadnan y provincianan lo mester cuminsa traha riba esaki y desaroya politica pa e uso di drone,” ADW su director a declara.
Durante e evento, cuerpo policial Hulandes lo presenta actualisacion tocante uso di drone den ley y investigacionnan, segun e organisacion. Un investigador di NATO tambe lo papia tocante e rol di drone den e defensa di e espacio aereo. Ademas, Saxion University of Applied Sciences na Enschede lo mustra con por usa drone pa siguridad y pa paga candela.
Saxion ta investigando drone pa varios aplicacion, segun investigador Abeje Mersha. “Por ehempel, tambe nos ta desaroyando drone cu pro bula na un accident y conta emergencia kico ta pasando.” Hapon tin e meta di por transporta hene den drone cu chauffeurnan trahando for di cas pa aña 2030 pero esaki te ainda no tin fecha pa bira posibel na Europa.
E aña aki ta marca di 5 biaha cu e conferencia aki ta organisa y e tema ta “mobilidad aereo innovativo pa conecta ciudadnan y regionnan.”
