E cadena hotelero Fletcher y Van der Valk ta convertiendo algun di nan hotelnan den hospital di emergencia pa pashentnan cu ta demasiado malo pa keda cas, pero cu no mester di atencion di emergencia.

E prome unidadnan di e “ hotel corona” lo habri na e hotel Van der Valk na Urmond na Limburg y e hefe di e grupo hotelero Fletcher, Rob Hermans a bisa cu cientos di ubicacion por ser adecua pa pashentnan den 24 ora.

E hospital priva Acibadem na Amsterdam tambe a bisa cu lo pone dispuesto cu mediconan, otro personal, ekiponan, salanan di operacion y cama di pashentnan pa e grupo di hospital OLVG di ciudad. Ademas e suministro di face mask y paña protector di hospital y nan ta transferiendo na OLVG.

Mientras tanto e enfoke principal ta pa Hulanda tin suficiente ventilador pa trata e nivel di pashentnan malo. Mas o menos 2000 a ser pidi na Merca y Hulanda tambe ta considerando pa establece su propio facilidad di produccion, e minister di hospital Hugo de Jonge a bisa den un conferencia di prensa dialuna anochi.

Philips, kende ta produci e ventiladornan na Merca ya a duplica e capacidad di e produccion na 2000 pa siman. Segun algun informe di e mediconan, ta cu Philips ta preocupa cu Merca por requisa tur su produccion pa uso local, pero no por a verifica esaki. E minister di agricultura, Carola Schouten,tambe a solicita ayudo di e veterinarionan pa satisface e demanda, poniendo su ventiladonan na disposicion di e hospitalnan, e minister a bisa e parlamentarionan den un sesion informativo.

LEAVE A REPLY

Please enter your comment!
Please enter your name here