Artista local Jeon a duna sorpresa na su fanaticonan cu e lansamento di su album Biggy Boy Forever dia 1 di januari.
Despues di hopi preparacion y dedicacion Jeon ta inmensamente emociona pa lansa su Album Biggy Boy Forever! BBF Album ta encera un total di 22 cancion cu un colaboracion masivo entre 19 artistanan local y internacional.
Jeon a expresa riba su rednan social cu e proyecto aki berdaderamente tabata uno hopi grandi cu e la traha cu hopi amor y cu e tine hopi cerca di su curason. Pa hopi tempo caba Jeon tabata kier a lansa e BBF Album, pero den transcurso di aña e la dicidi di agrega mas cancion caminda e album a bira uno extenso y mas grandi di locual cu tabata programa.
Cada cancion a wordo personalisa y traha cu e toke clasico cu nos tur conoce di Biggy Boy. E Album aki ta dedica na tur e fanaticonan romantico cu pa añas a pidi pa JEON trece un coleccion musical a la Biggy Boy.
Ademas, di 2am pa 6am Jeon a tene e concierto ‘Stay Home Concert’ part II, pa su fanaticonan por a gosa Jeon su hitnan di mas grandi conhuntamente cu su cancionnan bieu y di mas nobo di Biggy Boy Forever Album.
JEON tambe a expresa via su rednan social cu e ta inmensamente agradecido pa tur esnan cu por a haci e Album aki un realidad, cada dedicacion no ta sin wordo reconoci. Pa tur e apoyo di su fanaticonan, su famia, team, media, miembronan di prensa y pa tur esnan cu semper a apoy’e y kere den dje.
