Parlamentario Endy Croes ta splica cu Minister di Finanzas Xiomara Maduro a anuncia na final di aña dos incentiva fiscal extra pa cu aña 2021 cual sigur lo ta un alivio pa pueblo.

Manera pueblo por corda anteriormente a anuncia un total di 11 alivio fiscal como

incentivonan pa boost up nos economia y alaves percura pa pueblo por keda cu algo extra

den su cartera. Esaki sin embargo no a keda na solamente 11 incentiva pero Minister

Xiomara Maduro despues di trabounan duro cu henter su ekipo a anuncia incentivanan

number 12 y number 13 cual ta incentivonan popular cu tin un alivio directo pa hopi

ciudadano.

Reduccion di 14 pa 12% di invoerrechten riba material di construccion:

Parlamentario Endy Croes a splica cu gobierno a tuma e decision pa agrega mas alivio pa

pueblo. Uno di nan ta den e area di construccion. Esaki ta conoci tambe como incentiva pa

alivio number 12. Hopi hende den pleno construccion di nan cas of cualkier proyecto

chikito te grandi a haya nan confronta cu e efectonan negativo di Covid 19. Den esaki

Gobierno a mira e necesidad grandi di duna aporte na pueblo reduciendo tarifa di

impuesto riba materialnan di construccion. Normalmente esaki tabata 14% pero desde 1 di

Januari 2021 esaki lo baha cu 2% y lo bira 12%. Esaki sigur ta un contribucion y alivio pa

pueblo mirando e situacion dificil cu nos ta bibando aden.

Reduccion di 2% riba loonbelasting y Inkomstenbelasting:

Minister Xiomara Maduro a anuncia oficialmente cu a tuma e decision pa mas incentiva

fiscal pa asina trece mas alivio pa pueblo directamente unda pueblo traves di esaki nan

por keda cu mas placa den nan cartera primordialmente den e temponan dificil aki.

Incentiva # 13 ta reduccion di 2% riba Loonbelasting y Inkomstenbelasting. Desde 1 di

Januari 2019 mas cu un aña prome cu Covid 19 gobierno tabata trahando riba

reforme nan fiscal.

Pues prome cu Hulanda a pone esaki nan como condicion. E tempo aya a cuminsa cu simplificacion di nos sistema di belasting. Te cu december 2018 Aruba tabata conoce 14 diferente tarifanan di Loonbelasting y Inkomstenbelasting. E tarifanan aki a wordo reduci na 4 tarifa per 1 Januari 2019. Esun di mas halto tabata 54% na 2018 y esaki a conoce un rebaho desde 2019 inmediatamente pa 52% esta un rebaho di 2%. E 4 tarifanan cu nos conoce desde 1 di Januari 2019 ta categorisa den tarifa 1 cu ta 14%, tarifa 2 cu ta 25%, tarifa 3 cu ta 42% y tarifa 4 cual ta 52%. Esun ultimo aki a conoce reduccion di 54 pa 52% desde Januari 2019.

Actualmente a bin cu reduccion extra pa e esunnan den middelklas esta tarifa # 2 cu awor ta 14% lo bira 12% y tarifa # 3 cu awor ta 25% lo bira 23% desde 1 di Januari 2021. Esaki ta pa con cuidadanonan cu salaris entre Afl.63.792 mil pa Afl. 135.540 mil florin pa aña. Mester recorda pueblo cu tur esunnan cu un salaris di Afl.28.862 pa aña no ta paga Loonbelasting. Cu e reduccionnan aki gobierno ta logra cu pueblo ta keda cu mas placa den nan cartera. Pueblo lo dicidi con e ta gasta e extra cu e ta keda cune. E decisionnan aki ta pa duna pueblo e alivio y alaves pa hunto nos percura pa economia por lora treciendo alivio real pa henter comunidad. Hunto nos lo reconstrui Aruba post Covid. Palabra di felicitacion pa Minister Xiomara Maduro y henter su team pa cu e logro aki.