editorial 2_15_1.jpg

E ordenansa su base ta e siguiente: 1. Rapport di PWC

Impacto cu e compra di Riu tawata tin riba nos turismo

 

E rapport di PWC Aruba ta un rapport desconoci pa nos ya cu esaki nunca a bin den publicidad. Loke si ta remarcabel cu Minister Oduber y tambe ATA tin conocemento di e rapport aki te cu nan ta uza esey como argumento principal pa sostene e ley aki. E motibo pakico nos ta haya esaki remarcabel ta cu durante e mesun periodo cu saca e rapport di PWC Aruba subrayando cu e concepto di all inclusive ta malo pa Aruba, e guru di PWC mundial riba tereno di hospitalidad ta duna un opinion contrario. Aki bou nos ta cita e paraaf di Sr. Berman principal di PWC mundial.

“Historically, there has been a stigma attached to this industry — that it is limited to middle-market consumers,” says Scott D. Berman, a principal at PwC and leader of the firm’s U.S. hospitality and leisure practice.

Now, Berman and other experts can agree that the face of the all-inclusive vacation has changed for the infinitely better.

The rebounding all-inclusive concept is therefore quickly growing in popularity, according to Forbes. Studies show that the percentage of travelers flocking to all-inclusives has risen from 8% to 14% in just the last three years, and is reportedly the fastest growing segment of the travel industry.”

Y tambe nos ta exigi di Minister Oduber pa ta transparente y haci e rapport aki publico pa asina expertonan local cu tin conocemento di e materia por duna nan opinion y critica.

Nos ta interesa pa haya e opinion di Sr. Berman riba e rapport cu su “counterpart” na Aruba a saca.

Durante conferencia Minister Oduber a declara cu ATA por a constata cu e concepto di all-inclusive tawata tin un impacto negativo riba e economia di Aruba na momento di compra di Westin pa Riu.

E declaracionnan aki ta straña nos enormemente paso nos no a wordo informa kico y con a wordo midi pa yega na e conclusion aki. E conclusion ta straña nos mas ainda pa motibo cu Riu a tuma un hotel over cu pa añanan ta bin ta perde placa; Sheraton, y a haci’e asina exitoso cu nan a cumpra un di dos hotel cual ta Westin. Tambe nos por corda cu Riu a bay ainda asina leu di a cumpra Radisson cual compra a wordo para despues.

Nos ta kere cu ta na su luga pa ATA duna splicacion y cu argumentonan valido con e por a yega na e conclusion aki y cu Minister a haya ta bon pa defende e concepto di ley aki cu e argumentonan aki.

Como conocedo di e materia economico na Aruba (tambe di e parti hotelero y di all-inclusive) nos kier declara lo siguiente:

Pa por midi e impacto mester por tin data y informacion concreto di varios instancianan na Aruba inclusivo e cifranan di Westin mes. Berdad ta cu e compra di Westin pa Riu a causa cu e hotel mas grandi di Aruba a wordo cera pa seis luna pa renobacion. Kisas esaki Minister ta referi na dje. E argumento aki no ta valido paso e inversion aki ta duna su frutanan den futuro. Pues un conclusion basa riba datonan bieu y incompleto no por sirbi pa sostene un ley asina importante.

Si ATA haci e mesun midi awor lo e resultado ta diferente. Den futuro lo ta bon pa ATA tin informacion riba e nivel empresarial di e partnernan real den e sector aki. Pa esaki mester bin un cambio di ley pa asina obliga empresanan concerni duna informacion na ATA pa e por haci su trabou di duna conseho y hiba un maneho bon informa.

Un otro aspecto di e concepto di ley ta cu e ta crea un Minister omnipotente mas di loke e ta caba. Ya caba Minister Oduber ta dispone di fondonan publico sin cu e tin e transparencia necesario con esakinan ta wordo uza. Awor cu e cambio di ley aki e ta bira e persona cu ta dicidi ta ken si of ken no ta bin na remarca pa loke ta trata permisonan pa All-inclusive.

Esaki ta trece cun’e un vunerabildad pa soborno di parti di e posicion Ministerial cu nos mester trata di evita mas tanto posibel y no laga esey bay manera a sosode cu otro fondonan di turismo.

E ley aki ta distorciona e buena marcha di Mercado. 

LEAVE A REPLY

Please enter your comment!
Please enter your name here