Recientemente via diferente media di comunicacion y alabes rednan social nos por wak un wega cu ta wordo hunga door di hobennan, unda 3 mucha ta envolvi. 1 mucha para memey y e otro dos nan cada banda. Na momento cu e mucha memey bula e dos nan na banda ta hala e pia di esun memey cu e ta perde su balans y ta cay abou. Na momento cu e mucha aki cay, e lo por lastima su mes gravemente. Aki nos mester pensa cu e mucha por cay di tal manera cu e ta dal su cabes riba vloer cu consecuencia un lichte tot zware hersenschudding o den caso extremo e por ta hasta un golpi fatal. 

P’esey mes como educador y politico mi ta urgi na nos mayornan pa papia cu nos yiunan tocante esaki y pone hopi enfasis riba e consecuencia cu esaki por tin pa e mucha.

Na mes momento mi kier a haci e pregunta na nos minister di Enseñanza, Minister A. Lampe, si e ta na altura di e tipo di wega asina aki, y si su ministerio ya caba a saca un alerta pa e scolnan na Aruba pa no tolera e tipo di weganan asina aki.

Y pa medio di su ministerio instrui scolnan pa incorpora charlanan pa conscientisa nos hobennan riba nan comportacion y pa evita hunga weganan cu por tin consecuencia hororoso como resultado.

Esaki mi ta pidi tambe na cada schoolbestuur y cada cabesante di e defende scolnan aki na Aruba, pa nos tuma e wega aki na serio y conhuntamente traha na e parti preventivo.

Mi conseho personal, ban evita awe, pa no lamenta mañan.

LEAVE A REPLY

Please enter your comment!
Please enter your name here