Aparato pa graba zonido di bayena ta bek ariba

E ‘Marine Autonomous Recording Unit’ di graba zonido di bayena a wordo recogi y awor ta bay wordo manda bek pa analisis.

E  projecto aki ta inclui islanan Bonaire, Republica Dominicana, Guadeloupe, Martinique, St. Maarten y Aruba. Na Aruba e colaboracion a bay hunto cu Aruba Marine Mammal Foundation (AMMF) representa pa Angiolina Henriquez y tambe cu diferente instancia local. E aparato cu a wordo uza ta forma parti di e projecto “Caribbean Humpback Acoustic Monitoring Program (CHAMP)” y a wordo financia pa National Oceanic and Atmospheric Administration (NOAA) cu aporte parcial na Aruba.

Tin indicacion anecdotal cu tin Humpbacks cu ta keda un tempo hopi mas largo den Caribe cu tawata conoci y cu por tin Humpbacks cu ta migra for di Atlantico Sur tambe te na Caribe na caminda pa Brazil. Ta necesario pa colecta e datonan aki pa asina por defini e temporadanan real anual cu e region di Caribe ta sirbi como refugio di sobrevivencia pa e especie protegi aki, y asina aporta na proteccion di e region di lama Caribense.

E aparato aki a wordo desaroya  pa y ta propiedad di Cornel University. NOAA a huur esaki ya cu e ta graba frecuencia di zonido di bayena Humpback y Bryde’s cu ta  frecuenta Aruba su awanan. E bayena masculino Humpback ta produci un canto compleho di duracion di 10-20 minuut, cu nan ta keda repiti pa oranan largo. Humpback whales ta migra anualmente pa come den awanan hopi friu cerca di Arctica, p.e. Noorwegen y Alaska, y pa awa di temperatura mas halto pa haya yiu, p.e. na Silverbanks , Republica Dominicana. E grabacionnan di e proyecto aki ta wordo uza pa por sa e diferencianan den e cantonan aki y diferencianan den periodo di yegada di bayena den e region.

 

You May Also Like

Atia (NW).JPG

ATIA lo celebra su di 7 edicion di su “Annual Corporate Event”

– Aruba Trade and Industry Association (ATIA) anualmente ta organisa nan “Annual Corporate Event” ...

parke di molina

Permiso parke molina Urirama cla

E permiso yama ‘hindervergunning’ pa construi e parke di molina na Urirama ta adapta ...

2016 a bay hopi malo pa kiosconan na Waf

Varios doño di kiosconan na Waf ta splica Bon Dia Aruba cu e aña ...

18willems decibel.JPG

“No ta facil pa implementa regla di decibel”

Director di Stichting Slechthorende Aruba (FEPO) Sr. Wim Willems ta contento cu e cooperacion ...

Duana Barcadera

Accion duana Barcadera contra mal situacion na trabou

Trahadonan di duana na Barcadera a blokia e entrada awe mainta pa motibo di e ...

‘Competencia ta pone bo yega, pero caracter ta locual ta pone bo keda’

E siman cu a pasa a tuma luga e Leadership Masterclass di PricewaterhouseCoopers. Invitado ...