Apertura ASU Olimpiada 2016 ta diadomingo awo

Asu (NW) (3).JPG

Diadomingo 30 di october lo tuma luga e apertura di ASU Olimpiada 2016. E apertura aki lo inicia pa 5:30 di atardi y lo tuma luga na Stadion Guillermo P. Trinidad unda mas o menos 20 grupo lo desfila.

 

E federacionnan cu lo forma parti di e desfile ta: Aruba Voetbal Bond (Lifida), Tang Soo Do, Aruba Basketball Bond, Arubaanse Kendo Vereninging, Capoeira, Federacion Gymnastico Arubano, Scherm Amateur Bond Aruba, Organisacion Caballista Arubano, Judo Bond, Aruba Karate Bond, Arubaanse Zwembons (Synchro), Muay Thai Kick Boxing, Atletiek Bond, Aruba Amateur Weightlifting Ass., Aruba Volleyball Bond.

 

Invitadonan special pa e atardi aki cu atletanan, scolnan y ekipo cu a wordo honra den Premio Excelencia 2015, Atleta representando Aruba na RIO 2016 den weganan Olimpico y Paralimpico. Tambe un grupo di referee cu a sigui e Curso di Referee Hubenil organisa pa Aruba Sport Unie lo ta presente e atardi aki.

 

Despues di e desfile lo presenta e Himno Nacional di Aruba cu lo wordo interpreta pa Jonathan Croes sigui cu diferente discurso. E aña aki Roman ( Ale) Aparico capitan di Ekipo di aña Sport Vereniging RCA division di Honor conhunto cu su coleganan lo tin e gran privilegio pa cende e Vlam Olimpico como inicio di ASU Olimpiada 2016. Despues lo sigui cu competencia di atletismo y futbol categoria A riba mita veld di 8 contra 8.

 

Sr. Gerald Franca, president di ASU, a indica cu lo tin mas o menos 450 participante durante e ASU Olimpiada. El a sigui indica, cu den comparacion e cantidad aki ta casi mescos cu añanan anterior. Directiva di ASU ta gradici tur federacion cu ta participacion den e apertura di ASU Olimpiada y alabes ta desea nan hopi exito cu nan Campeonato den e ASU Olimpiada. Tambe ta invita pueblo di Aruba presenta e desfile pero tambe pa apoya tur atleta durante e olimpiada.

You May Also Like

ATA: horcan tabatin su impacto indirecto riba nos turismo

Horcan Irma tabatin su impacto indirecto riba nos isla su industria turistico. Durante e ...

number auto

Cobransa number auto via accijns ainda riba mesa

Gobierno ta sigui cu e plan pa cobra ‘number di auto’ den accijns riba ...

19Juli EdM pelea na Baby store (1).JPG

Pelea formal entre algun persona

Dialuna den careda di 1’or di marduga pafo di Cheng Kee restaurant na Piedra ...

venezolanonan

ATIA: preocupa cu efectonan negativo ‘turismo’ di Venezuela

  ATIA representando comercio ta bisa cu ta ‘preocupa cu e efectonan negativo cu ...

Cilo citylounge aruba (3).JPG

Doñonan Cilo detene ilegalmente

Diabierna pasa Warda Nos Costa a detene e doñonan hunto cu un otro persona ...

Clayton Croes GKMB.JPG

Te awor tin 16 caso di dengue, 2 caso di chikungunya y 17 caso di Zika

Clayton Croes di GKMB ta lamenta cu den e accion nacional di fumigacion y ...