Home Local App pa controla prijs di consumo

App pa controla prijs di consumo

1641

Ayera minister di Financia Xiomara Ruiz-Maduro (MEP) a introduci un app nobo unda bo por controla e prijsnan di productonan.

E app aki ta yuda consumido pa asina nan tin un bista di e productonan cu ta cay bou di e canasta basico. E productonan aki tin control di prijs riba nan. Di e manera aki e consumidonan mes por hasta hiba un control y denuncia ora cu tin un establecimento cu ta abusa cu nan prijsnan.

Riba e app aki tambe bo por mira, tambe e prijs di gasolin y diesel. E app lo ta disponibel desde ayera.

Den canasta basico tin 11 producto  cual ta: lechi, azeta, lechi polvo pa baby, sucu, aros y koffie. Di e productonan aki tin nan prijsnan fiho di gobierno. Esaki ta manera a wordo anuncia anteriormente, e canasta basico lo keda amplia pa siña inclui e resto di productonan aden.

Luna pasa un investigacion a wordo haci, y e resultadonan di e investigacion aki lo wordo presenta na un grupo di trahado cu importancia di grandi  y chikito. E grupo aki lo bini cu conseho pa e minister di cua productonan por wordo agrega of no, na e canasta basico.

E mandatario ta bisa cu e supermercadonan tambe lo haya chens pa asina pone nan propaganda riba e app aki. E app aki a wordo traha pa studiantenan di Universidad di Aruba , Nicolette Habibe y Xavier Boekhoudt, studiando organisation, governance and mangement. Sr. Boekhoudt ta actualmente stagiaire di departamento di Asuntonan Economico.

Importante ta ora bo ta den supermercado y bo mira cu algo no ta cuadra bo tin e number disponibel cu bo por yama  y entrega un keho na departamento di consumentenzorg, asina nan ta bisa.

Minister Ruiz-Maduro ta haya cu Aruba mester conoce mas di locual nan ta yama ‘markethallen’. Aki ta caminda e hendenan por bini y etsala nan producto di cual e productonan lo ta mas barata. Y tambe e cunukeronan lo tin un caminda vast cu nan lo por bende nan productonan, tur esaki lo por yuda cu e prijs cu e consumidornan tin cu paga. A base di e di peticion di pueblo pa por tin mas control a bini cu e app aki, e minister a finalisa bisando.