Argentina: Conmocion pa violacion en grupo di un menor di edad

Un grupo di cinco homber supuestamente a viola un adolescente di 14 aña di edad durante e celebracionnan di Nochevieja na Argentina.

E cinco sospechosonan a keda deteni, acusa di ‘acceso carnal grave’, un delito cu castigo entre 8 y 20 aña di prizon. Segun e denuncia, e violacion den grupo a tuma luga den un tent durante un campamento den e ciudad costeño di Miramar, den provincia di Buenos Aires.

E famia di e victima a huur un bungalow pa pasa e fiestanan di Pasco den e campamento. Dia 1 di januari den oranan di marduga, e mayornan a preocupa pa e ausencia di nan yiu y a sali busk’e. E mama a hay’e den un tent cu e cinco acusadonan, tur entre 21 pa 23 aña. E tabata bou influencia di alcohol, y el a conta cu el a wordo viola.

E tata a yama polis, y e famia a pone un denuncia mesora. Fiscal a ordena preserva e escena di crimen, secuestra e elementonan di interes pa e investigacion, y traslada e detenidonan pa nan wordo someti na control medico. Pero polis a tarda pa actua, pa cual motibo e subcomisario Andres Caballero a wordo releva. E autoridadnan na Buenos Aires, den man di e coalicion gobernante Cambiemos, ‘no kier buelta cu e tema di violencia di genero, kier pa trabou wordo haci lihe; e mensahe tabata cla na tur general dos luna pasa”, segun e ministerio di siguridad a argumenta tocante e decision di retira e subcomisario.

E acusadonan tabata amigo, y a yega hunto na e campamento El Durazno. Ta trata aki di Lucas Leonel Pitman (21), Pitman (21), Tomás Agustín Jaime (23), Juan Cruz Villalba (23), Mariano Manuel Díaz (23) y Roberto Fabián Costa (21). Tur ta hoben di clase media di e ciudad Mar del Plata, como 50km di Miramar, amigonan cu ta practica surf y rugby, segun medionan local.

E nomber di e victima ta secreto, y tambe mayoria di e detayenan di e investigacion.

E cinco acusadonan a declara ayera dilanti hues, y durante e proximo dianan e victima tambe lo declara tras di un camara di Gesell, un mecanismo cu ta permiti preserva e anonimato di e testigonan. Ademas, lo tuma testimonio di otro personanan kende tabata acampando na e luga.

You May Also Like

10 morto na Colombia ora cu edificio a cay na Cartagena

E alarma a cende  10:15 di mainta ora cu e biga principal di un ...

Mexico: captura di lider importante di cartel Los Zetas

(UnivisionNoticias) – Ciudad de Mexico – Agentenan di Marina Mexicano a detene diahuebs pasa ...

Silencio total di presidente Medina den scandal di Odebrecht

Presidente Dominicano Danilo Medina ta mantene un silencio absoluto den e scandal di soborno ...

Colombia: 326 militar Venezolano a deserta y a crusa frontera

Te dialuna nochi pasa, Migracion Colombia a registra 326 militar di forsnan arma Venezolano ...

Venezuela: Exportacion di crudo pa Merca a cay te na cero

Importacion di crudo Venezolano na Merca a cay te na cero siman pasa, pa ...

Venezuelan-President-Nicolas-Maduro-AFP-800x430.jpg

Tribunal supremo di husticia na Venezuela ta pidi pa cera Nicolás Maduro

(prensa.com) – E tribunal supremo di husticia (TSJ) di Venezuela a manda pidi e ...