Cuba a celebra 60 aña di revolucion cu e liderato di Fidel Castro

Santiago di Cuba, ‘cuna di e revolucion’, a celebra e 60 aña di e triunfo di e rebelion di Fidel Castro entre e holo di un porco hasa y e musica di celebracion pa e aña nobo, dos acontecimento cu ta coincidi den e capital Caribeño di e isla.

Na e Parke Cespedes, principal escenario di e celebracion y e mesun luga unda Castro e ricibi e aña 1959 cu e victoria, centenares di Santiaguero tabatin un bandera gigante di Cuba, un tradicion di mas di 115 aña cu ta demostra e historia largo di e rebeldia di e ‘Ciudad Heroe’.

E custumber, desde e siglo XIX, ora e mabise (guerrillero independentista) tabata lucha na e Sierra Maestro contra Spaña, a uni cu e simbolo di revolucion a traves di e decadanan.

“Nos no lo por separa. Na Santiago ta baila pa e aña nobo y pa e revolucion, cu ta uni, desde e guera di independencia te awo”, Belkis, ciudadano di Santiago cu tur aña ta asisti cu su famia pa e ceremonia na e plasa, a sigura.

Sinembargo, aunke hopi ciudadanonan tin entusiasmo, nan ‘tin su pianan na tera’, pa motibo cu despues di e celebracion e bida ta bolbe pa normalidad y tin cu traha hopi pa prospera”, Daniel, un maestro di scol cu a nace ‘cu e revolucion’, a insisti.

“Nos a yega te 60 aña aki cu hopi trabou, cu masha hopi trabou, pero bon, tin hopi optimismo den e poblacion cu e presidente nobo (Miguel Diaz-Canel), cu tur e cos cu lo bay haci den economia, pa wak si ta mehora.”
“E ta pidi pa traha y traha”, otro ciudadano, di nomber Raul, a señala.

You May Also Like

Mexico ta papia cu Ford y General Motors di “modernisacion” di NAFTA

A pesar di cu Ford y General Motors a cancela algun di nan inversionnan ...

Vice-presidente Mericano ta bishita shelter pa refugiadonan Venezolano

E vice-presidente di Merca Mike Pence, a bishita ayera un shelter pa refugiado di ...

Red di trafico di pornografia di mucha desmantela na America Latino y Europa

Trinta y ocho persona a ser deteni na America Latino y Europa, ora cu ...

Destitui ministro di interior y hefe di polis despues di manifestacion na Paraguay

Presidente di Paraguay Horacio Cartes, a destitui su ministro di interior Tadeo Rojas y ...

Colombia: Fin violento di campaña electoral

Por lo menos nuebe persona a keda herida den un atake cu explosivo na ...

Venezuela: Aumento enfermedadnan contagioso ta sigui

Despues di 19 luna cu difteria a reaparece na Venezuela, e enfermedad ta continua ...