Argentina: Detencion confirma pa ex-presidente Cristina Fernandez Kirchner

Corte Supremo di Husticia di Argentina a rechasa pa unanimidad e recurso di keho (amparo) cu a ser presenta pa e actual senador contra e orden di aresto, dicta pa hues Claudio Bonadio na december 2017, cual e Alto Tribunal a pone pendiente di resultado di e pedido di ‘desafuero’ (perdida di inmunidad parlamentario), cu tabatin tratamento den Senado y cu te ainda no a yega na un conclusion.

Camara Nacional Federal di Apelacion pa caso Criminal y Coreccion a confirma e procesamento cu prizon preventivo pa e viuda di e tambe ex-presidente Nestor Kirchner y pesey el a presenta un recurso extraordinario den Corte.

Fernandez, hefe di estado entre 2007 y 2015, hunto cu varios miembro di su gobierno y otro colaboradornan ta procesa pa presunto encubrimento agrava, mediante un pacto cu Iran, di delito di e ciudadano Irani acusa di e atake riba e sociedad Hudiu (AMIA) na 1994, cu a laga 85 morto.

E caso hudicial a ser habri cu e denuncia di fiscal Alberto Nisman na januari 2015 contra gobierno di Kirchner, cuatro dia prome cu a haya Nisman morto cu un bala den su cabes, den condicionnan cu te ainda ta investiga, y cu ta mustra cu probablemente a asesina e procurador.

Tambe a solicita su aresto despues di e caso conoci como “causa del cuaderno”, den cual ta investiga un presunto red di soborno entre empresarionan poderoso y ex-funcionarionan halto di gobierno di Kirchner. Sin embargo, su detencion lo depende finalmente di votacion den Senado.

 

You May Also Like

Mexico: Mas di 15 persona desapareci pa dia na 2017

(UnivisionNoticias) – Entre luna di augustus y october 2017 a reporta na Mexico 1.411 ...

Caribe: Pleito pa bishita cerca Trump

Varios pais miembro di Caribbean Community (Caricom) a vocifera nan desaprobacion di e encuentro ...

Costa Rica: Di dos buelta di eleccion presidencial: Alvarado vs. Alvarado

Tur dos ta periodista, musico y ta comparti e fam, pero nan ideanan politico ...

Dos cabes di humano a keda bandona pafo di Televisa na Mexico

(Globovision).- un caha cu dos cabes di humano a ser bandona diamars anochi dilanti ...

Colombia: Megaconcierto pa Venezuela na Cucuta

E cantante Venezolano Miguel “Nacho” Mendoza a aclara den La Tarde di NTN24 e ...

Hezbollah ta un actor principal di delincuencia organisa na America Latino

Hende miho conoci como misionero Irani ta esun cu ta bati  alarma  pa chiismo, ...