Venezuela: Blackout mas grave di historia den henter pais

E blackout probablemente mas grandi di historia di e pais a cuminsa diahuebs atardi 16:50 ora local y no a haya solucion durante ayera henter dia y e pais a drenta pa di dos anochi sigui den scuridad. E ‘apagon’ tabatin su origen na e dam di Guri (estado Bolivar) cu ta produci como dos tercera parti di e energia electrico cu e pais mester.

Na Caracas e ausencia di coriente a causa un caos, unda metro no por a core mas, lagando diesmiles di persona na pia, y cu tur luz di trafico sin funciona. Ademas e suministro di awa tambe a cay afo, lagando e ciudad di mas di cinco miyon habitante sin luz ni awa.

Tambe e situacion a causa problema den e hospitalnan, unda pacient den cuido intensivo, como tambe baby den couveuse ta core peligro grandi.

Gobierno a anuncia ciere di tur scol y a para tur trabao ayera, den sector publico y priva, y despues no a anuncia nada mas.

Despues di 24 ora sin coriente ainda no tabatin nada, ademas di e silencio di e circulonan halto di gobernacion. Mientras tanto, usuarionan di rednan social tabata reporta coriente cu ta bin pero ta bay atrobe, dunando manos di un ora di servicio.

Periodistanan di AFP a reporta cu e caos tabata total den casi henter e pais: hospitalnan paralisa, vuelo cancela na Maiquetia y otro aeropuerto, hopi hogar sin awa ni coriente, cayanan desola den gran cantidad di ciudad.

 

You May Also Like

Cuba: Indignacion pa ayudo di medicamento pa Venezuela

E noticia di 933 tonelada di medicamento cu gobierno Cubano y Chines a duna ...

Proposicion di campamento di refugiado Venezolano formal na Colombia y Brasil

Den un encuentro cu exiliadonan Venezolano na Florida, unda tabata presente e secretario general ...

Haiti: Protestantnan ta tira piedra riba cas di presidente

Protestantnan a tira piedra riba e cas di e presidente y a enfrenta polis, ...

Colombia: Lifder di FARC mal ricibi den campaña electoral

Rodrigo Londoño, ex-lider di e organisacion guerillero FARC y actualmente candidato presidencial, a ricibi ...

sangura

18 persona a muri den epidemia di dengue na Peru

Te cu diahuebs, 18 persona a muri na Peru den un epidemia di dengue, ...