“Hunto nos tin futuro y nos lo bolter e eleccion.” Esaki tabata e mensahe central cu e mandatario den e denomina ‘Marcha di miyon’, cu e cual e ta busca lanta vuelo, despues di e pober resultado cu tabatin e aliansa oficialista na eleccionnan primario (PASO) e 11 di augustus pasa.

Su casa Juliana Awada tabata compaña Macri riba escenario hunto cu su formula vice-presidencial, e Senador peronista Miguel Angel Pichetto. Macri a renoba su compromiso cu e pais y a haci un yamada pa no permiti ‘e dificultadnan laga nos duda di loke nos a logra, cu nan laga nos bandona nos soñonan cu ta algo sagrado cu nos tin” .

“Mester ta e eleccion di asistencia mayor desde 1983, p’esey, tur bay vota!”, el a expresa durante e acto cu tambe a conta cu presencia di gobernador di Buenos Aires, Maria Eugenia Vidal, y e hefe di Gobierno porteño, Horacio Rodriguez Larreta.

Macri, kende no a abstene di critica e kirchnerismo, pero sin menciona Alberto Fernandez y Cristina Fernandez di Kirchner, a pidi pa ‘fiscalisa’ e eleccionnan y rechasa loke el a considera como politica di asistencia y clientelista di e gobiernonan pasa.

Tambe el a referencia pa e dificultad cu su gobierno a enfrenta, pero a sigura cu lo sigui trahando cu su obhetivo fiha pa e crecemento economico, mehora di salario y empleo.

E candidato pa e peronismo, Alberto Fernandez di Frente de Todos, kende a yega te na prome luga di encuestanan, a mustra convenci di ripiti e triunfo di PASO y a sigura cu ‘ta bon cu Macri a reuni cu su hende sin murayanan, pero despues ta e realidad: e plasa ta yen y e frigidaire bashi’.

 

 

LEAVE A REPLY

Please enter your comment!
Please enter your name here