Chelsea dos biaha a tira e bentaha afo despues cu a retira defensa di Arsenal, David Luiz riba su retorno na Stamford Bridge ayera, empatando 2-2 y desperdiciando otro oportunidad di reforsa su di cuatro luga den Premier League.
Cesar Azpilicueta tabata mustra di a sigura e victoria pa Chelsea den minuut 84, pero capitan di reemplaso, Hector Bellerin a manda e segundo gol di empate pa Arsenal dentro di tres minuut.
Tabatin mas preocupacion pa Chelsea, cu Tammy Abraham necesitando ayudo pa bandona e cancha na final. E delantero a lucha pa sigui hunga despues di dal den e avisonan na banda di e cancha prome cu Azpilicueta a anota despues di un tiro di skina.
Tabata un cuminsamento dificil pa Arsenal.
E pase malo di Shkodran Mustafi na Bernd Leno a permiti Abraham pa acerca e portero. Luiz a purba di recupera e situacion, pero su opcion tabata pa dal e delantero, conduciendo na un carchi cora, y Jorginho anotando den e penalty cu a resulta den minuut 28.
Chelsea no a logra explota su bentaha di cantidad di hungado, y a paga e prijs ora N’Golo Kante su eror a permiti Gabriel Martinelli continua un intento cu a cuminsa den su propio banda prome cu a empata.
Door di eventualmente wardando pa un punto, Arsenal a keda na di 10 luga – leu di e top cuatro cu antes tabata custuma di keda. Chelsea ta luchando pa logra un spot den Champions League, cu Manchester United capaz di corta e gap na tres punto venciendo Brunley awe.
