Durante fin di siman e atletanan di Artistic Swimming a celebra Dia di Betico cu un competencia na Piscina Olimpico Roly Bisslik na Savaneta.
Mester bisa cu e competencia a concentra riba “Figures”, mientras a landa tambe e rutinanan den solo, duet y team. E deporte di Artistic Swimming ta den un desaroyo nobo y trahando riba talentonan nobo den nan deporte y ya caba por a wak e bon fruto di e trabou desplega. E publico por cierto uno grandi a disfruta di un bon presentacion di nos artistanan di landamento. Actualmente tin dos atleta di artistic swimming esta Kyra Hoevertsz y Meghan Tromp ta bibando den exterior unda nan ta entrenando duro pa asina busca e clasificacion Olimpico cu e aña aki lo tuma luga na e ciudad di Tokyo, Hapon den luna di juli/augustus.
Un pabien na tur e atletanan di artistic swimming cu un bunita presentacion riba Dia di Betico.
