Hospital lo cuminsa un investigacion di transfusion di plasma di pashentnan cu a recupera di coronavirus, esaki por salba bida di esnan cu ta hopi malo cu coronavirus.

Hospital lo haci un investigacion y no sa si e tratamento aki lo ta uno efectivo.

Na mundo tin 20 pashent, 14 na China, 3 na Suisa, Hulanda y Merca tambe a cuminsa cu e investigacion. Nan tin bon experencia cu e tratamento di plasma. Aruba ta e prome pais pa investiga uzo di plasma pa combati Coronavirus den region di Centro America of Sur America.

Di e manera aki na Aruba tambe lo por tin un tratamento efectivo p’e virus aki.

Dr. Choudhry ta enfatisa cu e ta un investigacion y no ta tur hende ta bin na remarke pa haya e plasma, pues solamente ora un hende ta interna den hospital y ta cumpli completamente cu e criterianan stipula den e protocol.

Kico e investigacion ta encera?
Dr. Zaheeb Choudhry, Internista -Nefrologo, a duna di conoce cu ora un hende contagia cu e virus y recupera bon, e curpa ta produci anticurpa. Loke por haci ta saca e plasma di e pashent cu a recupera. Den e plasma tin anticurpa y esey por duna pashentnan cu awor ta contagia cu e virus. Tin hopi evidencia cu e tratamento di plasma y anticurpa por traha efectivo den e crisis aki. E tratamento ta uno hopi sigur y cu minimo chens di haya un efecto secundario cu por ta un reaccion alergico.

Pashent cu Coronavirus, cu ta malo y interna den hospital y por ehempel ta den cuido

intensivo lo haya gran ayudo cu e plasma aki. E anticurpa ta mata e virus directamente. E tratamento no ta nobo, dr. Choudhry a splica. Tin basta experencia caba cune, antes cu e Spanish Flu na aña 1918 y tambe na aña 2009 cu virus H1N1, esta Influenza y mas.

Bira un donante!
Ta buscando ser masculino cu a haya Coronavirus y a recupera pues pa 2 siman ya no tin sintoma mas y cu a test negativo na final di recuperacion. E ta completamente safe y si abo ta un pashent recupera y kier yuda tuma contacto cu dr. Choudhry pa haya mas informacion di e investigacion aki.

Por manda un e-mail na z.choudhry@hoharuba.com of yama su oficina na 527-4374. Di e manera aki por bay dilanti den e lucha contra Coronavirus.