E federacion di tennis di mesa a tene nan prome torneo di ranking pa 2017. E hungadonan den tur categoria a enfrenta otro pa asina defini nan posicion fiho riba e ranking di ATTA. Tur fin di luna e dicho federacion ta tene nan torneo di ranking. Nos tin e siguiente resultadonan Den e categoria U10 nos a haya na prome luga e hoben Therron Wijman mientras na di dos luga a keda Yi Zu Chen y na di tres luga a keda Jeyden Fernandes.
Den e categoria U13 nos tin na prome luga e hoben Bob Chung mientras na di dos luga nos tin Robert Dirksen y na di tres luga Joseline Boekhoudt. Den e categoria U18 e prome luga a bay pa Ching Ho Chung mientras na di dos luga a keda Jean Claude Hoek y na di tres luga Jeandry Mathilda. Despues di esnan infantil y hubenil a sigui cu ne categorianan di B y A klas. Den e categoria di B klas na prome luga a keda Wing Chow Leong, na di dos luga nos tin James Letren y na di tres luga a keda Zhao Xie. Por ultimo den A Klas e bataya tabata fuerte unda Mario Lobo a termina na di prome luga Aruba Table Tennis a tene nan torneo di Ranking sigui pa Andy Gomes cu a keda na di dos luga y Franklin Lopes cu a keda na di tres luga.
