POR: ‘Decentralisacion pa cuido medico di calidad cu e pashent central’

Otmar Oduber, POR

Manera a wordo treci dilanti na diferente ocasion, tin varios dokter cu a studia den region cu no ta haya e oportunidad pa eherce nan funcion aki na Aruba. Mientras cu nos mes como Pais a duna nan un prestamo pa bay studia aprobando e universidad caminda cu nan a bay studia. Sinembargo ora cu nan caba cu e estudio no ta duna nan oportunidad pa traha na Aruba pa motibo di e ley BIG. “POR ta bisa cu den e prome 100 dianan ora cu nos ta den gobierno lo cambia e maneho aki caminda cu lo duna e oportunidad pa e yiunan di tera aki por eherce nan trabou akinan na Aruba”, lider di POR Otmar Oduber ta trece padilanti. ‘E excuus cu ta wordo uza na e momentonan aki door di gobierno ta entre otro cu no ta posibel pa ehecuta esaki. POR ta enfatisa cu esaki no ta un promesa di campaña, sino e ta un compromiso cu nos tin den nos plan caminda cu nos ta bisa (manteniendo calidad di cuido medico), cu nos yiunan di tera mester por wordo brinda e oportunidad cu dentro di 100 dia di gobernacion nan lo por eherce nan ofishi na Aruba.

Diferencianan fundamental
No ta prome topico cu nos partido ta diferencia fundamentalmente cu e partidonan contemporaneo akinan na Aruba. Riba e tereno di salubridad nos ta e unico partido cu a mustra cu ta kere den decentralisacion di cuido medico di Aruba caminda cu e pashent ta bira central, e pashent tin escogencia di por haya un servicio medico. E trato medico aki ta wordo amplia den e sentido cu kier ta hopi mas presente den e parti di prevencion enbes di e parti curativo. Den e proximo dianan nos dilanti nos lo mustra ainda mas e seriedad cu nos ta pone tras di cuido medico. Mescos nos partido ta diferencia fundamentalmente riba tereno di pensioen unda cu AVP ta indica cu e pensionado mester keda traha sin busca pa sa cu e por of no, cu e pagonan di belasting manera cu e ta actualmente, te cu edad di 65 aña. Mientras cu partido MEP ta bisa cu pensioen mester bay bek na 62 aña sin bisa con ta bay atende cu e fondo y percura cu e fondo ta keda saludabel.

Oportunidad di escogencia pa e pensionado
Nos di POR ta bisa cu mester crea oportunidad di escogencia cerca e ser humano cu ta yega 60 aña. Pa e dicidi e momento ey con e ta continua su forsa laboral, con e ta bay comparti esaki cu su pensioen y crea e flexibilisacion necesario, hasta cu e por dicidi na cierto momento si e kier traha “deeltijd” despues di 60 aña. E por dicidi e ora tambe cu e por traha te cu 68 aña mes si e ta sinti cu e por haci esaki, e ta keda na dje pa dicidi si e ta bay cu pensioen completo of e ta traha den combinacion cu cobra pensioen etc.. E pensioen e ora ta wordo cobra segun e proporcion di e calculacion cu tin pa loke ta e pensioen cu un hende lo cobra segun e metodonan cu ta wordo uza, sin cu bo ta pone e fondo di pensioen na peliger

You May Also Like

Richard Arends no por bisa si lo ta dispuesto pa lidera AVP of no

For di siman pasa a cuminsa circula varios rumor cu Richard Arends lo bira ...

‘Persecucion politico lo demotiva hobennan studiante specialisando nan mes

Parlamentario pa fraccion di AVP, Michael Lampe a mustra riba un situacion sumamente preocupante ...

‘Maneho di klapchi no ta cos pa hunga cu ne’

Parlamentario Robert Candelaria (AVP): Ta parce cu minister Andin Bikker no kier cera aña ...

Candidata riba lista di ReD

Manera boso sa partido ReD Democratico e aña aki ta cumpli 14 aña di ...

Angustia y inconformidad den comunidad pa cu Parlamento di Aruba

  –Algun siman pasa tabata sumamente lamentabel y penoso pa wak e nivel di ...