Aruba Tang Soo Do ta organisa Copa Betico

Riba Dia di Betico, Aruba Tang Soo Do federation, conhuntamente cu tur e scolnan di Gihae Tang Soo Do Studio Aruba lo organisa Copa Betico Croes 2018. Esaki lo ta un torneo cu lo ensera Hyungs (forma libre) y weapon hyungs (forma cu arma). Participacion ta pa tur alumno cuminsando di 2.5 aña di edad. Ta spera un participacion masal di e atletanan afilia na e federacion di Tang Soo Do Aruba. E competencia ta programa pa cuminsa 9or di mainta y na e cas di Tang Soo Do, esta Emma School na Ayo. Aruba Tang Soo Do Federation ta un federacion hopi activo conoci pa su triunfonan sin lubida su actividadnan organisa riba tereno internacional.

Aña pasa e organisacion a host e di 16th World Tang Soo Do Regional Championship Aruba cual sin duda tabata ta un exito rotundo. E campeonato aki tabata di taya mundial mirando cu paisnan manera Puerto Rico, Costa Rica, Panama, Nicaragua, Hulanda y Merca, sin lubida nos propio atletanan di Aruba a participa na esaki. Es mas, Aruba a ricibi bishita di e Grandmasternan di World Tang Soo Do, Kwan Chang Nim Strong y Kwan Chang Nim Beaudion, como tambe Regional Director Master Wilfredo Burgos.

You May Also Like

Homber Frances di 73 aña campeon di carera rond mundo

Un matros Frances di 73 aña di edad a gana un carera di yate ...

Ocando “Candi” Wernet a marca historia den nos futbol

Recientemente Fundacion Lotto pa Deporte a honra varios baluarte di SV Estrella. Un di ...

Logros campeon den A-klas y ta promove pa AA

Logros a gana di Blackhawks Playoff Heineken di Aruba Softball Bond (ABS) den A-klas. ...

Di ocho edicion Aruba Caribbean Cargo Taekwondo Cup na caminda

Diasabra awor dia 30 di September ta tuma luga e di  8 Aruba Caribbean Cargo Taekwondo Cup na Centro di ...

Di dos medaya di oro pa Aruba den CAC

E atleta bolichera Thashaina Seraus a gana e di dos medaya di ora pa ...

RCA ta gana JTL

Recientemente Tricolornan di Solito a enfrenta e Bufalonan di Tanki Leendert. Ya na halftime ...