VNO ta habri un loket DigiD na Aruba

Dialuna proximo representacion di gobierno Hulandes na Aruba (VNO) lo habri un loket DigiD cual ta e paspoort digital pa regla asuntonan administrativo y aplica pa otro servicionan di gobierno na Hulanda. 

E aplicacion pa ricibi un DigiD ta keda digital sinembargo mester di un codigo di activacion pa completa e peticion. E codigo aki por obtene na e loket (recepcion) di VNO unda ta haci control tambe di e aplicante (ID). Un SMS despues por wordo manda pa completa e peticion. Vocero Jeroen Boudestijn ta bisa Bon Dia Aruba si cu por sosode cu e SMS no ta bay 100% tur ora cu cierto servicio di telecom. Pero si ta opta pa laga e code drenta via voice SMS, e ora si tin e garantia cu e ta bay bon di biaha. Aruba ta e prome pais unda VNO lo habri e loket di DigiD, na Corsou lo bin un pronto tambe.

DigiD ta nifica Identidad Digital pa por login riba websitenan di gobierno Hulandes y di cuido. “Mas y mas organisacionnan gubernamental Hulandes ta uza DigiD pa por haya acceso na nan dunamento di servicio via internet. DigiD ta necesario, por ehempel, pa por mira post digital di Servicio di Impuesto den e mailbox di Mijn Overheid. Banda di esaki ta posibel, por ehempel, pa (ex)studiantenan, pa den Mijn DUO, mira e cantidad di debe di estudio cu nan tin na DUO, pa cambia informacion online y pa mira e post digital di DUO”, asina VNO ta splica.

Pa bini na remarca pa haci un peticion via e recepcion di DigiD na Aruba, tin algun condicion manera: e persona mester tin un number di servicio di ciudadano, esta BSN (burgerservicenummer). Pa busca e codigo na VNO, mester traha un cita si, cual ta posibel  for di dialuna pa diabierna, entre 9’or di mainta y 12’or di merdia.

You May Also Like

image.jpeg

Hotel banda di aeropuerto spera pa ta cla aki 2 aña

Aruba Airport Authority N.V. (AAA) ta trahando di serca cu desaroyadornan di hotel riba un facilidad plania pa un area habri na e parti oost di aeropuerto cu ta wordo spera di keda cla den aproximadamente 2 aña. E planificacion y discucionnan entre AAA y e propietarionan di e hotel a cuminsa di trempancaba pa sigura cu ...

Maduro-jur-como-presidente2.jpg

E golpi parlamentario di Maduro y consecuencia economico grave pa Venezuela

Presidente di Venezuela, Nicolás Maduro, lo presenta diabierna e presupuesto nacional na Tribunal Supremo ...

18juli, JM, Despa2.jpg

Ebrina Curet : Ta importante pa muchanan sigui move y come saludabel

Temporada di vakantie a cuminsa oficialmente. Tin hopi mucha cu ta bay den exterior ...

CENSO : Cambio di proceso den casonan di perde paspoort

Den pasado den casonan di perdida di paspoort of casonan di paspoort horta, ciudadanonan ...

APA a pone tugboot “SOCO” den servicio e siman aki

Pa no pone mas peso riba e total suma di debe di Aruba Ports ...

mia, suicidio

Famia Bencosme Ortiz tin su “dudanan rasonabel” riba Mia su morto

 Ayera tabata e dia cu Mia Bencosme tabata wardando cu hopi emocion y alegria, ...