Aruba tabata den e bon caminda, sinembargo ainda no ta mucho consciente di e consecuencia cu e Coronavirus por y ta trece pa bo mes, bo famia y otro personanan.
Despues di por a baha e cifranan cu Aruba por habri poco poco pa asina economia di Aruba por cuminsa lanta back, e mes un comportacion di ciudadanonan ta laga hopi di desea. Segun resumen di awe 21 persona a recupera, a registra un total di 73 caso nobo di Covid-19, di cual 10 ta no-residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 734 test. ‘Postivity rate’ entre nos residentenan ta 25%. Casonan activo pa awe ta 379, cantidad di fayecido relaciona cu Covid-19 ta 81.Hospital ta informa cu tin un total di 31 persona interna di cual 11 ta den Cuido Intensivo y 20 riba unidad general di covid.
