Aruba un biaha mas presente durante e prestigioso vakantiebeurs

Ta custumber cu tur aña e famoso Vakantiebeurs, e bolsa di vacacion mas grandi na Hulanda, ta wordo organisa den e halnan na Jaarbeurs na e ciudad di Utrecht. Por medio di decoracion y booth bunita di cada destinacion cu ta participa, of organisacion cu ta ofrece pakete vacacional, ta transforma e espacio di Jaarbeurs den un mundo excitante pa un y tur bishitantenan cu ta bin busca informacion tocante vacacion. E aña aki esaki a wordo organisa durante e periodo di 10te cu 15 di januari.

Ta mas cu claro cu Aruba tambe ta forma parti di bolsa aki. Pa varios aña caba Aruba ta presente cu un booth unda ta inspira bishitantenan pa tuma un vacacion Caribense riba nos dushi isla. Contrario na añanan anterior, e ekipo di oficina di Turismo na Hulanda a percura pa un “One Happy Island”terasa cu nan a aloca net banda di operadornan TUI y KRAS (cu ta forma parti di TUI na Hulanda). Asina aki A.T.A. ta percura pa un strategia mas efectivo pa yega na e audiencia. E strategia aki ta  permiti A.T.A. guia e bishitantenan, hunto cu socionan, na formalisa un pakete vacacional na midi y pues bende esaki “on the spot”. Alabes, un strategia asina aki ta hacie mas facil pa por midi e impacto di un bishita na e bolsa vacacional. Ademas, esaki ta mustra di ta un strategia mas rendabel, permitiendo A.T.A. pa aloca fondo na otro plataforma unda lo por yega na otro segmento demografico cu normalmente no ta presente den cantidad grandi na e bolsa aki.

Fuera di ta ricibiendo e bishitantenan cu e hospitalidad Rubiano y guiando nan den e trayectorio di compra di nan vacacion, e ekipo di A.T.A. a duna varios presentacion durante e siman unda nan a presenta nos isla y kico tur nos tin pa brinda durante un bishita. Esaki ta wordo duna na tur bishitante di e bolsa cu ta interesa pa sa un tiki mas di Aruba prome cu nan cumpra nan vacacion. E bishitantenan mester a registra pa e presentacionnan aki cerca Aruba su socio TUI, cu en cambio lo comparti un database di tur cu a presenta cu A.T.A. Asina aki, A.T.A. ta traha cerca cu socionan pa por yega na nos bishitantenan na un manera mas eficiente cu ta posibel.

 

You May Also Like

AP_2304728189943.jpg

EU: posibilidad grandi cu pa fin di 2016 lo yega 3 miyon migrante mas

Mas cu 700,000 hende a yega Europa e aña aki buscando manera di biba ...

Wierer ta gana biathlon WCup

RUHPOLDING, Germany (AP) — E atleta Italiano Dorothea Wierer a gana e careda di ...

Morto di modelo Hulandes na Malaysia un accidente, segun corte

DEN HAAG – E corte Malay investigando e morto di e modelo Hulandes, Ivana ...

OM den caso di Mitch Henriquez: Polisnan por traha como agentenan uniforma pa dos aña

SCHIPHOL – Ministerio Publico a aumenta e demanda penal den e apelacion di e ...

19 morto despues di temblor grandi na China

19 persona a perde nan bida y 247 a keda herida despues di un ...

Venezuela: Corte Penal Internacional ta habri investigacion preliminar contra gobierno

(ElNacional) – Fiscal di Corte penal internacional na Den Haag a habri un investigacion ...